Lluís Domènech i Montaner[1][2] (Barcelono, 21a de decembro 1850 - Barcelono, 27a de decembro 1923) estis hispan-kataluna arkitekto, kiu elstaris pro siaj verkoj konstruitaj en la stilo de la Kataluna modernismo. Li dediĉis grandan parton de sia vivo ankaŭ al la politiko. Li studis karieron de arkitekturo kaj poste profesoris prie.
Kiel arkitekto Domènech faris konstruaĵojn en kiuj oni kombinas strukturan raciemon kun eksterordinaraj ornamelementoj, inspiritaj en la arkitekturaj hispan-arabaj tendencoj kaj en la kurvaj linioj propraj de la kataluna modernismo. En la aktuala Muzeo de Zoologio, konstruita origine kiel restoracio (Kastelo de la Tri Drakoj) okaze de la Internacia Ekspozicio de 1888, Domènech uzis strukturon de videbla fero kaj ceramiko, tekniko kiun poste, en 1908, li perfektigos en la Palaco de la Kataluna Muziko. Tiu konstruaĵo kaj tiuj projektitaj poste, aligas abundon de mozaikoj, ceramiko kaj multkolora vitro, disponitaj per fajna harmonio.
Male al aliaj arkitektoj de la modernismo, Domènech tendencis laŭ la tempopaŝo fari konstruaĵojn pli malpezajn, forigante materialon el la strukturoj, sed plutenante la ornamadon kiel elemento unuaranga.
Enric Ganell, Antoni Ramon, Lluis Domenech Girbau (2006): Lluis Domenech I Montaner: Travels Around Romanesque Architecture, Collegi d'Arquitectes de Catalunya (COAC), ISBN 84-96185-76-1
Lluis Domenech I. Montaner (2006): Dom'nech Montaner, Collegi D'Arquitectes de Catalunya, ISBN 84-88258-84-4,
Bancells, Consol, 'Guia del Modernisme a l'Eixample', Nou Art Thor Edicions, Barcelona, 1990, ISBN 84-89681-99-6.
Bancells, Consol, 'Sant Pau, Hospital Modernista', Nou Art Thor Edicions, Barcelona, 1988 ISBN 84-7327-180-7.
