Linio Tozaj (Tokjo Metro)

Linio Tozaj
Inter stacioj Niŝi-Kasaj kaj Minami-Sunamaĉi
Superrigardo
Koloro de linio	blueta
Numero de linio	5
Tipo	metroo
Sistemo	Tokjo Metro
Loko	Tokio kaj Gubernio Ĉiba (Japanio)
Komenco	Nakano
Fino	Niŝi-Funabaŝi
Stacioj	23
Paso de fervojo
Historio
Malfermo	23a de decembro 1964
Teknikaj trajtoj
Longo	30,8 km
Ŝpuro	1067 mm (CAP-ŝpuro)
Fervoja elektra sistemo	1500 voltoj, KK, supertraka kontakta lineo
Maksimuma rapideco	100 km/h

Linio Tozaj (japane 東西線 [Tōzai-sen], angle Tozai line, laŭvorte: orient-okcidenta linio) estas metroa linio en Tokio, Japanio. Ĝi estas unu el 9 linioj de metroa sistemo Tokjo Metro en la metroo de Tokio. Ĝia nomo signifas, ke tio estas linio de oriento (東) al okcidento (西). La simbola koloro de linio estas blueta (mara) koloro. La emblemo de linio estas latina litero "T" en blueta ringo.

La linio estis planata por malŝargi linion Sobu kaj por fari rektan komunikadon tra la nord-centra parto de Tokio je orient-okcidenta direkto. Nuntempe por tiuj celoj servas ankaŭ Linio Ŝinĝuku pli norde kaj Linio Kejjo (Japana Fervojo) pli sude.

Historio

• 1962: planado de la linio.

• 23a de decembro 1964: malfermo de la unua sekcio inter stacioj Takadanobaba (T-03) kaj Kudanŝita (T-07).
• 16a de marto 1966: linio estas ambaŭflanke plilongita ĝis stacioj Nakano (nuna fina stacio: T-01) okcidente kaj Takebaŝi (T-08) okcidente.
• 28a de aprilo 1966: lanĉo de la trajno komuna kun Linio Ĉuo-Sobu tra la stacio Nakano (T-01) ĝis la stacio Ogikubo.
• 1a de oktobro 1966: malfermo de sekcio inter la stacioj Takebaŝi (T-08) kaj Otemaĉi (T-09).
• 14a de septembro 1967: malfermo de sekcio inter la stacioj Otemaĉi (T-09) kaj Tojoĉo (T-14).
• 29a de marto 1969: malfermo de sekcio inter la stacioj Tojoĉo (T-14) kaj Niŝi-Funabaŝi (nuna fina orienta stacio: T-23); lanĉo de rapida trajno, kiu iras senhalte inter tiuj du stacioj.

• 8a de aprilo 1969: komuna trajno kun Linio Ĉuo-Sobu etendita ĝis stacio Mitaka; komuna trajno kun linio Sobu tra la stacio Niŝi-Funabaŝi (T-23) ĝis la stacio Cudanuma.
• 8a de aprilo 1972: nuligo de komunaj trajnoj krom tiuj dumpinthoraj matenaj kaj vesperaj.
• 1975: lanĉo de alia rapida trajno inter stacioj, kiu preterpasas ĉiujn staciojn inter Tojoĉo (T-14) kaj Niŝi-Funabaŝi (T-23) krom la stacion Urajasu (T-18).
• 1a de oktobro 1979: malfermo de la stacio Niŝi-Kasaj (T-16).
• 27a de marto 1981: malfermo de la stacio Minami-Gjotoku (T-19).
• 1986: Naveda rapida trajno (NRT), irante senhalte inter la stacioj Urajasu (T-18) kaj Niŝi-Funabaŝi (T-23).
• 1996: Nuligo de rapida trajno, iranta senhalte inter la stacioj Tojoĉo (T-14) kaj Niŝi-Funabaŝi (T-23).
• 27a de aprilo 1996: malfermo de Linio Tojo inter stacioj Niŝi-Funabaŝi (T-23) kaj Tojo-Kacutadaj — lanĉo de komuna trajno.
• 22a de januaro 2000: malfermo de stacio Mjoden (T-21).
• 20a de novembro 2006: apero de inaj vagonoj dum matenaj pinthoroj.

Trafiko

Estas 4 tipoj de trajnoj:

• Loka trajno (各停 [kakutei]);
• Naveda rapida trajno (通勤快速 [cūkin kaisoku]) iras labortage;
• Rapida trajno (快速 [kaisoku]);
• Rapida trajno de Tojo (東葉快速 [tōjo kaisoku]).

Tage la trajnoj veturas kun la intervalo: 5 min. (inkluzive de rapidaj trajnoj).

La unua trajno (labortago/semajnofino):

• Nakano (T-01) — 5:00 (ĝis Tojo-Kacutadaj en linio Tojo)
• Niŝi-Funabaŝi (T-23) — 5:00 (ĝis Nakano), 5:14/6:21 (ĝis Mitaka en linio Ĉuo-Sobu)

La lasta trajno (labortago/semajnofino):

• Nakano (T-01) —
  • 23:51/23:41 (ĝis Tojo-Kacutadaj en linio Tojo — aparte tio estas la lasta trajno al Niŝi-Funabaŝi),
  • 00:01 (ĝis Tojoĉo (T-14))
• Niŝi-Funabaŝi (T-23) —
  • 21:07/18:33 (ĝis Mitaka en linio Ĉuo-Sobu),
  • 23:54/23:41 (ĝis Nakano),
  • 00:14/00:13 (ĝis Tojoĉo (T-14))

La horaro (diferencas inter labortagoj kaj semajnofino): Horaro de linio Tozaj Arkivigite je 2012-10-10 per la retarkivo Wayback Machine (japane, defaŭlte ĝi montras hodiaŭa horaro)

Stacioj

Stacioj lokiĝas en Tokio (ekde T-01 ĝis T-17) kaj en gubernio Ĉiba (ekde T-18 ĝis T-23).

Ĉe la okcidenta fina stacio Nakano (T-01) la linio Tozaj kuniĝas kun linio Ĉuo-Sobu de Japana Fervojo. La linioj havas komunajn trajnojn, kiuj iras ekde/ĝis la stacio Mitaka.

Ĉe la orienta fina stacio Niŝi-Funabaŝi (T-23) la linio Tozaj kuniĝas kun linio Tojo. La linioj havas komunajn trajnojn, kiuj iras ekde/ĝis la stacio Tojo-Kacutadaj.

Ĉe la stacio Niŝi-Funabaŝi (T-23) la linio Tozaj kuniĝas ankaŭ kun linio Ĉuo-Sobu de Japana Fervojo. Matene kaj vespere ili havas komunajn trajnojn ekde/ĝis stacio Cudanuma.

Estas naveda rapida trajno (NRT) kaj rapida trajno (RT). Rapida trajno haltas ĉe stacioj, markitaj per "●", kaj preterpasas tiujn, markitajn per "｜". Labortage okcident-direktaj trajnoj preterpasas staciojn, markitajn per "↑".

N-ro	Nomo de stacio			Distanco (km)		NRT	RT	Linioj transireblaj ("*" markas liniojn de la sama fervoja reto)	Lokiĝo
	Esperante	japane	japana prononco	inter	tute				(urbo)	gubernio
T-01	Nakano	中野	[Nakano]	-	0.0	●	●	ＪＲ  Ĉuo-Sobu (Japana Fervojo) (komuna trajno ĝis Mitaka)  ＪＲ  Ĉuo (rapida) (Japana Fervojo)	Kvartalo Nakano	Tokio
T-02	Oĉiaj	落合	[Oĉiai]	2.0	2.0	●	●		Kvartalo Ŝinĝuku
T-03	Takadanobaba	高田馬場	[Takadanobaba]	1.9	3.9	●	●	ＪＲ  Jamanote (Japana Fervojo)  西武  Sejbu-Ŝinĝuku (Fervojo Sejbu)
T-04	Ŭaseda	早稲田	[Ŭaseda]	1.7	5.6	●	●	En Stacio Ŭaseda (Toden): Toden-Arakaŭa (tramlinio)
T-05	Kagurazaka	神楽坂	[Kagurazaka]	1.2	6.8	●	●
T-06	Ijdabaŝi	飯田橋	[Iidabaŝi]	1.2	8.0	●	●	* Namboku (Tokjo Metro): N-10 * Jurakuĉo (Tokjo Metro): Y-13 Oedo (Toej): E-06  ＪＲ  Ĉuo-Sobu (Japana Fervojo)	Kvartalo Ĉijoda
T-07	Kudanŝita	九段下	[Kudanŝita]	0.7	8.7	●	●	* Hanzomon (Tokjo Metro): Z-06 Ŝinĝuku (Toej): S-05
T-08	Takebaŝi	竹橋	[Takebaŝi]	1.0	9.7	●	●
T-09	Otemaĉi	大手町	[Ootemaĉi]	1.0	10.7	●	●	* Marunouĉi (Tokjo Metro): M-18 * Ĉijoda (Tokjo Metro): C-11 * Hanzomon (Tokjo Metro): Z-08 Mita (Toej): I-09
T-10	Nihombaŝi	日本橋	[Nihonbaŝi]	0.8	11.5	●	●	* Ginza (Tokjo Metro): G-11 Asakusa (Metroo Toej): A-13	Kvartalo Ĉuo
T-11	Kajabaĉo	茅場町	[Kajabaĉō]	0.5	12.0	●	●	* Hibija (Tokjo Metro): H-12
T-12	Monzen-Nakaĉo	門前仲町	[Monzen-Nakaĉō]	1.8	13.8	●	●	Oedo (Toej): E-15	Kvartalo Koto
T-13	Kiba	木場	[Kiba]	1.1	14.9	●	●
T-14	Tojoĉo	東陽町	[Tōjōĉō]	0.9	15.8	●	●
T-15	Minami-Sunamaĉi	南砂町	[Minami-Sunamaĉi]	1.2	17.0	●	｜
T-16	Niŝi-Kasaj	西葛西	[Niŝi-Kasai]	2.7	19.7	●	｜		Kvartalo Edogaŭa
T-17	Kasaj	葛西	[Kasai]	1.2	20.9	●	｜
T-18	Urajasu	浦安	[Urajasu]	1.9	22.8	●	●		Urajasu	Ĉiba
T-19	Minami-Gjotoku	南行徳	[Minami-Gjōtoku]	1.2	24.0	↑	｜		Iĉikaŭa
T-20	Gjotoku	行徳	[Gjōtoku]	1.5	25.5	↑	｜
T-21	Mjoden	妙典	[Mjōden]	1.3	26.8	↑	｜
T-22	Baraki-Nakajama	原木中山	[Baraki-Nakajama]	2.1	28.9	↑	｜		Funabaŝi
T-23	Niŝi-Funabaŝi	西船橋	[Niŝi-Funabaŝi]	1.9	30.8	●	●	東葉  Tojo (aparta linio) (komuna trajno ĝis Tojo-Kacutadaj)  ＪＲ  Ĉuo-Sobu (Japana Fervojo) (matene kaj vespere: komuna trajno ĝis Cudanuma)  ＪＲ  Musaŝino (Japana Fervojo)  ＪＲ  Kejjo (Japana Fervojo) En Stacio Kejsej-Niŝifuna:  京成  Linio Kejsej (Elektra Fervojo Kejsej)

Eksteraj ligiloj

• Horaro de linio Tozaj Arkivigite je 2012-10-10 per la retarkivo Wayback Machine (japane)