Geografia lokigo sur la mapo : Pjongjango
La Infana Palaco Mangyŏngdae (koree: 만경대학생소년궁전) estas publika institucio en Nord-Koreio, kie infanoj partoprenas en eksterlernejaj aktivecoj, kiel muziko, fremdaj lingvoj, komputilaj kapabloj kaj sportoj. Ĝi estis fondita la 2-an de majo 1989 kaj situas en Kwangbok-strato (Liberigo), norde de Mangyŏngdae.
Ĝi estas la plej granda el la multaj infanaj palacoj en Nord-Koreio, dediĉitaj al postlernejaj aktivecoj. Antaŭ la palaco troviĝas granda edukkomplekso kaj du grandaj fontanoj, kiuj atingas altojn de 90 kaj 100 metroj.
La Infana Palaco Mangyŏngdae enhavas 120 ĉambrojn, naĝejon, gimnazion kaj teatron kun 2000 sidlokoj. Ĝi ne devas esti konfuzita kun la Infana Palaco de Pjongjango, kiu situas norde de la Palaco Kim Il-sung kaj estis fondita en 1963.