Konsilio pri Homaj Rajtoj ĉe Unuiĝintaj Nacioj

Konsilio pri Homaj Rajtoj ĉe Unuiĝintaj Nacioj
konsilio organization established by the United Nations ^(en)
Komenco	15-a de marto 2006 ^vd
Antaŭe	Komitato pri Homaj Rajtoj de la Unuiĝintaj Nacioj ^vd
Sidejo	Ĝenevo
Agareo	civitanaj rajtoj • Internacia Pakto pri Civilaj kaj Politikaj Rajtoj
Filioj	Working Group on Discrimination Against Women and Girls ^(en) ^vd
Partoj Working Group on Discrimination Against Women and Girls ^(en) ^vd
Retejo	Oficiala retejo

La ĉambro de homaj rajtoj kaj alianco de civilizacioj estas la kunvenejo de la konsilio pri homaj rajtoj de Unuiĝintaj Nacioj, en la Palaco de Nacioj en Ĝenevo.

La Konsilio pri Homaj Rajtoj ĉe Unuiĝintaj Nacioj (angle United Nations Human Rights Council, UNHRC) estas ekde 2006 la ĉefa interregistara korpo de la Unuiĝintaj Nacioj, pri ĉiuj aferoj rilataj al homaj rajtoj.

La ĉefsidejo de la Konsilio estas en Ĝenevo, Svislando. Ĝia sekretariejo estas provizita per la Alta Komisaro de la Unuiĝintaj Nacioj pri Homaj Rajtoj.

La Ĝenerala asembleo povas suspendi la rajtojn kaj privilegiojn de ajna konsilio- membro, kiu persiste faris krudajn kaj sistemajn malobservojn de homaj rajtoj dum la daŭro de sia membreco. La proceso por tia suspendo postulas la plimulton de la du-trionoj el la tut-voĉdonoj de la Ĝenerala asembleo^[1]. Fakte la rezolucio stariganta la membrecon asertas ke: "kiam elektante membrojn de la Konsilio, membroŝtatoj konsideras la kontribuon de kandidatoj por la promocio kaj protekto de homaj rajtoj kaj ilian memvolajn promesojn kaj devontigojn streĉi al ĉi tiujn", kaj ke: "membroj elektitaj al la Konsilio konfirmos la plej altajn normojn en la promocio kaj protekto de homaj rajtoj".

Membroj

La membroj de la Konsilioj estas 47 ŝtatoj elektitaj de la Ĝenerala asembleo per la absoluta plimulto por 3-jara daŭro, kaj ne tuj reelektiteblaj post du sinsekvaj mandatoj, ĉikaze ili devas atendi minimume ses jarojn antaŭ prezenti novan membrecon.

Prezidantoj

Periodo	Nomo	Lando
19-a de junio 2006 - 18-a de junio 2007	Luis Alfonso de Alba	Meksiko
19-a de junio 2007 - 18-a de junio 2008	Doru Romulus Costea	Rumanio
19-a de junio 2008 - 18-a de junio 2009	Martin Ihoeghian Uhomoibhi	Niĝerio
19-a de junio 2009 - 18-a de junio 2010	Alex Van Meeuwen	Belgio
19-a de junio 2010 - 18-a de junio 2011	Sihasak Phuangketkeow	Tajlando
19-a de junio 2011 - 18-a de junio 2012	Laura Dupuy Lasserre	Urugvajo
1-a de januaro 2013 - 31-a de decembro 2013	Remigiusz Achilles Henczel	Pollando
1-a de januaro 2014 - 31-a de decembro 2014	Baudelaire Ndong Ella	Gabono
1-a de januaro 2015 - 31-a de decembro 2015	Joachim Rücker	Germanio
1-a de januaro 2016 - 31-a de decembro 2016	Choi Kyong-lim	Sud-Koreio

Membroj elektitaj aŭ re-elektitaj por la periodo 2017-2019

La memboj elektitaj por la periodo 2017-2019 estas la jenaj ŝtatoj^[2] :

• Afriko
  • Egiptio
  • Ruando
  • Sud-Afriko
  • Tunizio
• Azio
  • Ĉinio
  • Irako
  • Japanio
  • Sauda Arabio
• Latin-Ameriko
  • Brazilo
  • Kubo
• Orienta Eŭropo
  • Hungario
  • Kroatio
• Okcidenta Eŭropo kaj aliaj ŝtatoj
  • Unuiĝinta Reĝlando
  • Usono

Pridiskutado

En 2015, Sauda Arabio kampanjis ĉe la Konsilio de la azia grupo de homrajtoj por iĝi ĝia reprezentanto kaj sukcesis pri tio^[3]. Sekve, en septembro 2015, Sauda Arabio aliris la estron de la diplomataro dediĉita al la UN-homrajtoj, pro la regulo de turniĝanta estro inter ĝiaj kvin membroj; tiu estraro devas elekti la ekspertojn por observi kaj raporti pri la malrespektado de homrajtoj. Tiun estrecon forte kritikis diversaj asocioj batalantaj por homrajtoj; ili denuncis la traktadon, per kiu Sauda Arabio suferigas virinojn, malplimultojn kaj disidentojn^[4][5][6].

Referencoj

1. UN General Assembly Resolution 60/251.8 (Rezolucio de la UN-Ĝenerala asembleo 60/251.8) (angle) (formato PDF) (3-a de aprilo 2006). Alirita 18-a de julio 2012 .
2. (28-a de oktobro 2016) Nations unies : la candidature de la Russie au Conseil des droits de l’homme rejetée (Unuiĝintaj Nacioj: la rusa kandidateco por la Konsilio pri Homaj Rajtoj estas forĵetita) (france).
3. Sauda Arabio ambicias la prezidantecon de la Konsilio pri Homrajtoj, Alain Jourdan, La Tribune de Genève, 11-a de majo 2015 (france)
4. UNO: Sauda Arabio estras strategian korpon de la Konsilio pri Homrajtoj kaj kolerigas asociojn, FranceTVinfo, 21-a de septembro 2015 (france)
5. Kiu estas Ali Mohammed al-Nimr, kiun Sauda Arabio volas krucumi?, slate.fr, 21-a de septembro 2015 (france)
6. La promotion de l’Arabie saoudite au Conseil des droits de l’homme fait débat (La promocio de Sauda Arabio al la Konsilio pri homrajtoj polemikiĝas). lemonde.fr (22-a de septembro 2015). (france)