Karin THILANDER (naskiĝis kiel Karin HÖJER la 4-an de septembro 1866 en Stokholmo, mortis la 13-an de oktobro 1927 en la komunumo kaj luterana paroĥo Danderyd apud Stokholmo) estis sveda esperantistino, orgenistino kaj muzikinstruisto. Ŝi blindiĝis en la unuaj jaroj de sia vivo. Jam post 1900 ŝi vigle partoprenis la Esperanto-propagandon inter blinduloj. Ŝia bofrato, ĉefpastro en suda Svedio, venis por edzinigi ŝin je la 16-a de junio 1919 al Harald Thilander, kiun ŝi tiam jam dum preskaŭ du jardekoj helpis en lia Esperanto-laboro.
