Irancy etendiĝas sur 11,98 kvadrataj kilometroj kaj havis 243 loĝantojn laŭ la lasta oficiala nombro de 2022, tiel ke la loka loĝdenso estas po 20,28 homoj laŭ kvadrata kilometro[1].
Historio
Irancy
Pro la « y » - finaĵo supozeble la loko estis jam loĝata de gallo-romianoj. Romianoj verŝajne jam aprezis la montetojn por tie kulturi viton. Laŭ lokaj onidiroj pro sangaj tumultoj dum la Masakro de Sankta Bartolomeo, sango estus fluinta en la deklivaj stratetoj, kio klarigus la malbonaŭguran nomon de iuj vojoj, notinde la « strato de la mortintoj » en la okcidenta fino de la vilaĝo. Hugenotoj venĝocele estus nokte atakintaj la vilaĝon, mortigis multajn loĝantojn kaj prirabis la vilaĝon. Senvivajn korpojn ili estus ĵetintaj en putojn laŭ tiu « strato de la mortintoj ».
Ĥolera pandemio
En 1832 ĥolera pandemio trafas la vilaĝon. Dum en ordinara jaro estis averaĝe 30 forpasoj, en 1832 97 homoj mortis, el kiuj 64 inter la 4a kaj 29a de majo. Mortis homoj el ĉiuj aĝoj de 6 monatoj ĝis 92 jaroj. En iuj familioj pluraj homoj mortis ĉu ambaŭ geedzoj, ĉu unu el la gepatroj kaj unu el la gefiloj. [2].
La nombroj ekde la jaro 1962 estas sen duoblaj kontoj.
Lokoj kaj monumentoj
Preĝejo konstruita dum pluraj epokoj romana, renesanca, klasika, plurfoje difektita kaj riparita; nuntempe riparata. Ĝia akustiko estas rimarkinda, precipe por kmaermuziko.
Pentristo Georges Hosotte, fama eĉ ekster la kantono, li inspiriĝis de la belaj valozaj pejzaĝoj kaj pentris la ĉerizarbojn florantajn sur la montetoj ĉirkaŭ Irancy.
Naskloko de René Lagrange, sindikata batalanto (1891-1946).
Ekonomio
251 hektaroj de la komunumo estas klasifikitaj kiel limigita komunuma vinproduktejo « Vignoble d'Irancy » (vitejo de Irancy) de 6-a de novembro1998. La vinoj Palottes aŭ Mazelot el Irancy estas tre aprezataj. Temas pri bone longe konservebla vino: la produkto de la plej favoraj jaroj povas konserviĝi 10 jarojn. La precipa vitospecio estas Pinot noir sed ankaŭ la vito el Irancy estas la sola en kiu oni uzas la antikvan vitospecion Cezaro[4][5].
Ĉerizkutivado ankaŭ longatempe okupis grandan parton el la kultiveblaj terenoj.
