Herxheim am Berg - proksimuma prononco [HERKShajm am BERK] - estas komunumo en Germanio. Ĝi troviĝas en la distrikto Bad Dürkheim de la federacia lando Rejnlando-Palatinato. Fine de la jaro 2022 la komunumo havis 738 loĝantojn.
Herxheim am Berg apartenas al komunumaro, do administra ligo de pluraj najbaraj, formale sendependaj politikaj komunumoj, germane nomata Verbandsgemeinde Freinsheim.
Weilerskopf estas la nomo de 470 m alta monto en arbara eksklavo de Herxheim am Berg nordokcidente de Bad Dürkheim. La pinto estas starejo de telekomunika turo de Deutsche Telekom AG.
Simbolo de la loko estas la Protestanta Preĝejo de Sankta Jakobo de proksimume 1000 jaroj. Tutmondan konscion la preĝejo kaj la tuta vilaĝo ricevis en 2017 pro la al Adolf Hitlero dediĉita kaj provizita per svastiko preĝeja sonorilo, kiu laŭ la komunuma konsilantaro povas resti tie malgraŭ mondvastaj protestoj.
Eksteraj ligiloj
