Guillermo del Toro Gómez [giĜERmo] (Gvadalaharo, Jalisco; 9a de oktobro 1964) estas meksikareĝisoro, scenaristo, produktoro kaj romanisto, kiu ricevis la Premion Goya kaj kelkajn fojojn per la Premio Ariel. En 2018 li ricevis la premion Ora Globo kiel la Plej Bonkvalita Reĝisoro pro sia filmo La forma del agua (The Shape of Water, La formo de l'akvo). Unu monaton poste li ricevis ankaŭ Oskar-premion al la Plej Bonkvalita Reĝisoro kaj al la Plej Bonkvalita Filmo en la 90a okazo pro la sama filmo.
Li ekfilmis en Meksikurbo estante nur adoleskulo, kiam studis en la Instituto de Sciencoj, en la urbo Gvadalaharo. Post dek jaroj en dezajno de ŝminkado kaj maskado, formis sian propran kompanjon, nome Necropia, antaŭ iĝi la produktoro de sia unua filmo estante 21-jaraĝa. Li estis kunfondinto de la kinfestivalo Festival Internacional de Cine en Guadalajara kaj kreis la produktorkompanion Tequila Gang.
Guillermo del Toro estas kinisto kiu reĝisoris ampleksan varion de filmoj, el adaptoj de bildoliteraturo (kiel Hellboy kaj Blade II), ĝis filmoj de teroro kaj historia fantasto, du el kiuj enhavas agadon kiu okazas en Hispanio en la epoko de la Hispana Enlanda Milito kaj la periodo tuj posta, dum la diktatoreco de la generalo Francisco Franco. Tiuj filmoj, nome El espinazo del diablo kaj El laberinto del fauno kunhavas ankaŭ similajn trajtojn: protagonistoj (infanoj) kaj temoj (kiel la rilato inter teroro kaj fantazio kaj vivo subpreme de faŝisma aŭ diktatora reĝimo).
Filmoj
Guillermo del Toro subskribante aŭtografon de Blade II.
.jpg)
