La societo Ganaa Ruĝa Kruco - angle Ghana Red Cross Society - estas organizaĵo de humanitara helpo en Ganao, kies celo estas provizi nacian krizan, katastrofan, ambulancan kaj sango-bankan servon. La societo membras en la Internacia Federacio de Societoj de Ruĝa Kruco kaj Ruĝa Krescento, internacie kunlaboras tie kun aliaj internaciaj societoj de humanitara helpo kaj precipe kun la aliaj naciaj asocioj de la federacio. Ĝia sidejo estas en Akrao.
Historio
Ganao estis kolonio de la Brita Imperio ĝis 1957. Komence, la Ruĝa Kruca Societo en Ganao estis sekcio de la Brita Ruĝa Kruco. Post sendependiĝo, en 1958 per leĝo la Ruĝa Kruco de Ganao estis starigita kiel nacia societo.
Subsekcioj
La reto de lokaj oficejoj kovras ĉirkaŭ 60% de la nacia teritorio. La teritoria agado estas dividita en dek regionajn sekciojn, unu por ĉiu el la regionoj de Ganao. La regionoj dividiĝas al 138 distriktoj, el kiuj en 76 ekzistas distrikta komitato de la Ruĝa Kruco. En 48 el tiuj 76 distriktaj komitatoj funkcias kriz-sana servo.
Organizo
La ĉefaj organoj de la societo estas la Ĝenerala Asembleo, kiu kunvenas ĉiun duan jaron, kaj la centra komitato. Ĉiuj organizaj taskoj estas konfiditaj al volontuloj.
Eksteraj ligiloj
