François Deguelt, naskonome Louis Deghelt (naskiĝis la 4-an de decembro 1932 (nun 1932-12-04) en Tarbes, Hautes-Pyrénées, mortis la 22-an de januaro 2014 [1]) estis franca kantisto, plej bone konata pro ties partopreno nome de Monako en Eŭrovido-Kantokonkurso 1960 kaj Eŭrovido-Kantokonkurso 1962.
Kariero
Deguelt forlasis siajn studojn por fariĝis kabareda kantisto en Parizo en la fruaj 1950-aj jaroj. En 1956, li estis la gajninto de la Grand Prix du Disque de Académie Charles Cros. Post periodo en la militservo en Alĝerio, Deguelt revenis al Francio, kaj oni donis al li ŝancon en 1960 por kanti nome de Monako en la 5-a Eŭrovido-Kantokonkurso, okazinta en Londono la 29-an de marto 1960. La kanto de Deguelt "Ce soir-là" ("Tiun Nokton") montriĝis populara en la ĵurio, atingante 3-an rangon el 13 partoprenantoj.[2][3]
Deguelt revenis al Eŭrovizio, denove nome de Monako, en 1962 per la kanto "Dis rien" ("Diru Nenion"). Tiu konkurso okazis la 18-an de marto 1962 en Luksemburgo, kie li plibonigis sian rezulton, atingante 2-an rangon el 16 partoprenantoj.[4][5] Deguelt estis unu el kvin partoprenantoj en la historio de Eŭrovizio (kune kun Cliff Richard, Katja Ebstein, Chiara Siracusa kaj Željko Joksimović) kiu atingis 2-an kaj 3-an rangon sen gajni iam.
Postaj sukcesaj unuopaĵoj inkluzivis "Le Ciel, le soleil et la mer" (1965), "Le printemps" (1966), "Minuit, le vent, la nuit" (1968) kaj "La libération" (1968). Deguelt daŭrigis turneon kaj kantadis en la nostalgia cirkvito tra Franclingvio.[6]
Referencoj
Eksteraj ligiloj
