Fenkolo (Foeniculum) estas genro de du- kaj plur-jaraj aromaj herboj kun 3-4-oble fadene dividitaj folioj kaj flavaj floroj. Estas 4-5 specioj el Eŭropo, Okcidenta Azio kaj Norda Afriko,[1] inter kiuj estas ordinara fenkolo (F. vulgare), kies semoj kaj folioj estas uzataj en la kuirarto, la semoj ĉefe en saŭcoj, fiŝaĵoj kaj pano; la folioj por salatoj, kiel kuirita legomo, kaj en supoj kaj fiŝaĵoj.
