Eŭropa Demokrata Grupo

La emblemo de PAKE

La Eŭropa Demokrata Grupo - angle European Democrat Group (EDG), france Groupe démocrate européen (GDE), germane Fraktion der Europäischen Demokraten - estas konservativa grupo de deputitoj en la Parlamenta Asembleo de la Konsilio de Eŭropo. Ĝi origine fondiĝis je la nomo "Grupo de Sendependaj Reprezentantoj" (aŭ angle Group of Independent Representatives) en 1970 fare de britaj kaj skandinaviaj membroj de la Parlamenta Asembleo de la Konsilio de Eŭropo (PAKE), kaj tiam havis inter 35 kaj 40 membroj el Britio, Irlando, Norvegio, Danio, Turkio, Svedio kaj Svislando.

Kvankam ĝi estis nur la tria frakcio fondita en la PAKE (post la Socialista Grupo kaj la Kristandemokrata Grupo), ĝi estis la unua kiu havis oficialan sekretariejon, kiu estis establita en 1977. La 6-an de julio 1978, ekestis propono renomi la grupon, kio gvidis al la nuna nomo en septembro 1980.

Membraj partioj

Laŭ la stato de la 24-a de septembro 2011, la DEG havas la sekvajn membropartiojn:^[1]

Ŝtato	Partio	Deputitoj	Aliaj membrecoj
			Eŭropa partio	EU-parlamenta frakcio	Internacia partio
Armenio	Respublika Partio de Armenio Հայաստանի Հանրապետական Կուսակցություն (parto) ¹	1	neniu	-	neniu
Azerbajĝano	Nova Azerbajĝana Partio (Yeni Azərbaycan Partiyası, YAP)	4	neniu	-	neniu
Bosnio kaj Hercegovino	Serbia Demokratia Partio (Српска демократска Странка, Srpska Demokratska Stranka)	1	neniu	-	neniu
Ĉeĥio	Civitana Demokratia Partio (Občanská demokratická strana)	5	AEKR	EKR	IDU
Ĉeĥio	Publikaj aferoj Věci veřejné (parto) ²	1	neniu	-	neniu
Danio	Dana Popola Partio (Dansk Folkeparti)	2	neniu	ELD	neniu
Kartvelio	Eŭropaj Demokratoj (ევროპელი დემოკრატები)	1	neniu	-	neniu
Grekio	Popola Ortodoksa Movado (Λαϊκός Ορθόδοξος Συναγερμός)	1	neniu	ELD	neniu
Italio	Norda Ligo (Lega Nord)	4	neniu	ELD	neniu
Italio	La Popolo de la Libereco Il Popolo della Libertà (parto) ³	4	EPP	EPPED	neniu
Litovio	Ordo kaj justeco (Tvarka ir teisingumas)	1	neniu	ELD	neniu
Norvegio	Progresa Partio (Fremskrittspartiet, Framstegspartiet)	2	neniu	-	neniu
Pollando	Juro kaj Justeco (Prawo i Sprawiedliwość)	8	AEKR	EKR	neniu
Pollando	Pollando estas unualoka (Polska jest Najważniejsza)	1	AEKR	EKR	neniu
Portugalio	Centro Demokratia kaj Socia - Partio Popola (Centro Democrático e Social - Partido Popular)	1	EPP	EPPED	IDU
Rusio	Unueca Rusio (Единая Россия)	24	neniu	-	CDI
Rusio	Liberaldemokratia Partio de Rusio Либерально-Демократическая Партия России (parto) ⁴	3	neniu	-	neniu
Slovakio	Slovaka Nacia Partio (Slovenská národná strana)	2	neniu	ELD	neniu
Slovenio	Slovena Nacia Partio (Slovenska Nacionalna Stranka)	1	neniu	-	neniu
Turkio	Justeca kaj Evolua Partio Adalet ve Kalkınma Partisi (parto) ⁵	8	EPP	-	neniu
Turkio	Nacimovada Partio (Milliyetçi Hareket Partisi)	4	neniu	-	neniu
Ukrainio	Partio de Regionoj Партія регіонів (parto) ⁶	2	neniu	-	neniu
Britio	Konservisma Partio (Conservative Party)	17	AEKR	EKR	IDU
Britio	Demokratia Unia Partio (de Nord-Irlando, Democratic Unionist Party)	1	neniu	senpartia	neniu
¹ Unu el tri deputitoj de la Respublika Partio de Armenio membras en la EDG. La aliaj du membras en la Alianco de Liberaluloj kaj Demokratoj por Eŭropo. ² Unu el la du deputitoj de Publikaj Aferoj membras en la EDG. La alia membras en la Alianco de Liberaluloj kaj Demokratoj por Eŭropo. ³ Kvar el la 14 deputitoj de la La Popolo de la Libereco membras en la EDG. La aliaj 10 membras en la frakcio Eŭropa Popola Partio. ⁴ Tri el la kvar deputitoj de la Liberaldemokratia Partio de Rusio mem bras en la EDG. La plia deputito membras en la Socialista Grupo. ⁵ Ok el la 15 deputitoj de la Justeca kaj Evolua Partio de Turkio membras en la EDG. La aliaj sep membras en la frakcio Eŭropa Popola Partio. ⁶ Du el la ok deputitoj de la Partio de Regionoj membras en la EDG. Kvar membras en la Socialista Grupo kaj du en la Alianco de Liberaluloj kaj Demokratoj por Eŭropo.

Senpartiaj membroj: Andreij Molĉanov (Андрей Молчанов) kaj Aleksandr Poĉinok (Александр Починок) el Rusio, kaj Ganira Paŝajeva (Qənirə Paşayeva) el Azerbajĝano.

Notoj

1. Parlamenta Asembleo de la Konsilio de Eŭropo: la Eŭropa Demokrata Grupo, la 22-an de septembro 2011

Eksteraj ligiloj

• historio de la EDG^{[rompita ligilo]}
• oficiala retejo^{[rompita ligilo]}
• paĝo en la retejo de la Parlamenta Asembleo de la Konsilio de Eŭropo (PAKE)