La rojo Erlenbach estas 9 km longa orografie maldekstra alfluanto de la Lauter en la germana federacia lando Rejnlando-Palatinato.
Geografio
Rivervojo
La rojo Erlenbach havas ĉefan kaj flankan fontojn, kiuj apudas kelkajn cent metrojn ĉe la orienta flanko de la 445 m alta monto Löffelsberg. La fontoj estas en la regiono Vasgovio.
Komence la ĉefa rojo fluas orienten kaj pasas loĝkvartalon de Oberschlettenbach. post 2 km la du fontrojoj kuniĝas. Poste la rojo turniĝas suden kaj trafluas la komunumojn Vorderweidenthal kaj Erlenbach. En Niederschlettenbach ĝi enfluas de maldekstre en la rivereton Wieslauter.
Alfluantoj
- Wüstenborn (dekstre)
- Kleisterbach ( dekstre ), 1,4 km
- Zimbach ( dekstre )
- Eisenbach ( dekstre ), 1,4 km
Vidindaĵoj
- bestparko, Burgo Lindelbrunn
Tuj oriente de la fontareo troviĝas la best- kaj migroparko Wild- und Wanderpark Südliche Weinstraße kaj la burgo Lindelbrunn.
- Burgo Drachenfels
La burgo Drachenfels situas 3 km okcidente de la rivereto.
- Burgo Berwartstein
La hodiaŭ ankoraŭ priloĝata burgo Berwartstein staras supre de la samnoma vilaĝo. Ĝi iam estis posedo de la kavaliro Hans von Trotha, kiu estas konata kiel Hans Trapp.
- St.-Anna-Kapelo
Hans von Trotha mortis en 1503 kaj estis entombigata en la Kapelo de Sankta Anna supre de la enfluejo de Erlenbach en la rivereto Wieslauter.
Referencoj
