Emil Hreblay [hreblai], laŭ hungarlingve kutima nomordo kaj kun plena nomo Hreblay Emil József Viktor estis hungara ministeria oficisto, agronomo, bredisto. Lia nobela antaŭnomo estis polonkai.
Emil Hreblay akiris agronomian diplomon en ekonomia instituto en 1890 en sia naskiĝurbo. Post la diplomo li estis lernejestro en Budapeŝto 3 jarojn, poste li gvidis bienon en Csömör 2 jarojn. En 1896 li estis kooperestro en Eperjes, poste li havis postenon en Ministerio pri agrikulturo (Hungario). Li fondis agronomian instituton en Gödöllő en 1897 kaj li estis ankaŭ institutestro ĝis 1904. En 1898 li ricevis la rangon ĉefinspektoro, ekde la sama jaro li helpis fondojn de 50 agronomiaj kooperativoj en la lando. Ekde 1907 li estis inspektoro province. Lia ĉefa temo estis bredado de kortobirdoj, pli malofte aliaj branĉoj de la agrikulturo. Ekde 1930 li vivis en Prešov ĝismorte. Li ricevis reĝan premion en 1915. Lia edzino naskis 9 gefilojn inter 1896–1905.
Elektitaj kontribuoj
Tanulmány a takarmányneműek mesterséges eltartásáról (1891)
A gazdasági baromfitenyésztésre vonatkozó általános tudnivalók (1900; 1901; 1904)
Tyúktenyésztés (1900; 1902; 1909, vidu la bildon!)
A baromfi hizlalása és a hízott baromfi értékesítése (premiita verko, 1900; 1906)
Pulykatenyésztés (1901; 1907, vidu la bildon!)
Lúd- és kacsatenyésztés (1901; 1909)
Baromfitenyésztés (manlibro, 1905)
A magyar erdélyi szarvasmarha standardja (kunaŭtoro, 1910)
