2-dimensia (do ebena) pentrado de 0-dimensia punkto, 1-dimensia linio, 2-dimensia kvadrato, 3-dimensia kubo kaj 4-dimensia hiperkubo
En la geometrio, dimensio estas ĉiu el la grandoj uzataj por priskribi la amplekson de objekto. Kutime temas pri alto, longo kaj profundo. Dimensio estas ankaŭ grava koncepto en la fiziko. Fizikistoj ofte konsideras ankaŭ la tempon dimensio (de la spactempo). La kordoteorio eĉ asertas, ke krom la tri spacaj dimensioj, kiujn ni povas percepti, ekzistas ses aŭ sep aldonaj malgrandegaj dimensioj.
