Carl Maria von Weber

Ĉi tiu artikolo temas pri Carl Maria von Weber. Por aliaj signifoj vidu la artikolon Weber.

---

Carl Maria von Weber
Bazaj informoj
Naskonomo	Carl Maria Friedrich Ernst von Weber
Naskiĝo	18-an de decembro 1786 (1786-12-18) en Eutin
Morto	5-an de junio 1826 (1826-06-05) (39-jaraĝa) en Londono
Edz(in)o	Caroline Weber
Ĝenroj	klasika muziko
Profesio	komponisto
Persona informo
Mortokialo	Tuberkulozo
Tombo	Malnova katolika tombejo en Dresdeno
Lingvoj	germana
Ŝtataneco	Prince-Bishopric of Lübeck ^(en)
Alma mater	Universitato por Muziko kaj Drama Arto de Vieno
Familio
Patro	Franz Anton von Weber ^(en)
Patrino	Genovefa von Weber ^(en)
Frat(in)o	Maria Antonia Weber ^(en)
Edz(in)o	Caroline Weber ^(en)
Infano	Max Maria von Weber ^(en)
Parencoj	Josepha Weber ^(en) (unuaranga kuzino) Aloysia Weber (unuaranga kuzino) Constanze Mozart (unuaranga kuzino) Sophie Weber ^(en) (unuaranga kuzino) Franz Fridolin Weber ^(mul) (patra onklo)
Okupo
Okupo	komponisto gitaristo klasika gitaristo pianisto dirigento muzikkritikisto
Verkoj	Der Freischütz Oberon

Carl Maria VON WEBER (naskiĝis la 18-an de novembro 1786, en Eutin, Holstinio, kaj mortis la 5-an de junio 1826, en Londono, Anglio) estis germana komponisto, pianisto, dirigento, gitaristo kaj muzikkritikisto. Li estis unu el la unuaj multsignifaj komponistoj de romantismo. Liaj maturaj operoj havIs grandan influon sur postaj germanaj komponistoj, inkluzive de Marschner, Meyerbeer, kaj Wagner; liaj komponaĵoj por piano influis tiujn de Mendelssohn, Chopin, kaj Liszt. Lia plej konata verko, Der Freischütz, restas inter la plej gravaj germanaj operoj.

Vivo

Li estis kuzo de Constanze Weber, la edzino de Wolfgang Amadeus Mozart. Li ricevis muziklecionojn en Munkeno ĉe Michael Haydn, kaj poste en Vieno ĉe Joseph Haydn.

En 1826 Weber vojaĝis al Londono por ĉeesti la premieron de sia opero Oberon. Mallonge poste li tie mortis pro tuberkulozo.

Verkaro

Operoj

• Die Macht der Liebe und des Wiens (1798) senprezenta
• Das Waldmädchen (1800)
• Peter Schmoll und seine Nachbarn (1803)
• Rübezahl (1805) senprezenta
• Silvana (1810)
• Abu Hassan (1811)
• Der Freischütz (1821)
• Die drei Pintos (1821/2) senfinita; kompletigis en 1888 je Gustav Mahler
• Euryanthe (1823)
• Oberon (1826)

Lia opero Der Freischütz iĝis kvazaŭ nacia verko de la ĝermanta germana nacio, simple ĉar ĝi montris, ke eblas verki emocie imponan operon en la germana lingvo. Kvankam la opero ja enhavas emociigan historion kaj interhomajn konfliktojn, iuj diras, ke la ĉefrolo estas tiu de la germana arbaro.

Sakralaj verkoj

• Missa sancta n-o 1 en E♭, J.224 (1818)
• Missa sancta n-o 2 en G, op. 76, J. 251 (1818–19)

Simfonioj

• N-o 1 en C, Op. 19. J. 50 (1812)
• N-o 2 en C. J. 51 (1813)

Konĉertaj verkoj (elektaĵoj)

• Fagota Konĉerto (1811)
• Klarneta Konĉerto N-o 1 (1811)
• Klarneta Konĉerto N-o 2 (1811)
• Konĉertino por Klarneto (1811)
• Konĉertino por Korno kaj Orkestro (1815)
• Konzertstück (1821)

Ĉambraj muzikoj (elektaĵoj)

• Klarneta Kvinteto (1811)
• Grand Duo Concertant (1816)
• Trio en G-minoro (1818–1819)

Pianomuzikoj (elektaĵoj)

• Pianosonato n-o 2 (1816)
• Invito al la Danco (1819)