| Mae angen diweddaru'r erthygl hon. Gallwch helpu drwy newid yr erthygl i adlewyrchu digwyddiadau diweddar neu ychwanegu gwybodaeth newydd. Gweler y dudalen sgwrs am ragor o wybodaeth. |
Ysgol uwchradd gyfun gymunedol cyfrwng Saesneg yn ardal Llanedern, Caerdydd yw Ysgol Uwchradd Llanedern (Saesneg: Llanedeyrn High School). Hon oedd ysgol gyfun gyntaf Caerdydd i gael ei hadeiladu yn arbennig ar gyfer y pwrpas pan agorwyd ym 1970.[2] Mae'n gwasanaethu plant rhwng 11 ac 16 oed. Y prifathro presennol ydy Mr Julian Doroszczuk.[3]
Bydd yr ysgol yn cau ym mis Awst 2014.
Roedd 886 o ddisgyblion yn yr ysgol yn ystod arolygiad Estyn 2006, cynnydd fechain ers arolgiad 2000. Saesneg oedd prif iaith y rhanfwyaf ohonynt, a deuai tua 15% o gefndiroedd lleiafrif ethnig. Nid oedd Saesneg na Chymraeg yn brif iaith y cartref i 3% o'r disgyblion, ac ychydig iawn o ddisgyblion a siaradai Gymraeg fel iaith gyntaf. Cafodd 356 o ddisgyblion eu gwahardd o'r ysgol yn ystod blwyddyn addysgol 2005–2006[1]
Arolygiad Estyn 2008 oedd y pumed ers Ebrill 2006, pan roddwyd yr ysgol dan fesurau arbennig. Penderfynwyd nad oedd y mesuriadau rheini'n anghenrheidiol bellach oherwydd y gwelliannau sylweddol oedd wedi bod yn yr ysgol. Roedd y nifer o ddisgyblion a gafodd eu gwahardd o'r ysgol ym mlwyddyn 2007–2008 wedi lleihau o bron i draean i gymharu â 2006–2007[4]
Cyn-ddisgyblion o nôd
- Gweler y categori Pobl addysgwyd yn Ysgol Uwchradd Llanisien
Cyfeiriadau
Dolenni allanol
