Tri Chryfion Byd

Anterliwt o waith y dramodydd Twm o'r Nant yw Tri Chryfion Byd sy'n dyddio o 1789. Tri Chryfion Byd, sef Tlodi, Cariad ac Angau yw eglurhad y teitl, a phrif gy

Tri Chryfion Byd
Tri Chryfion Byd
Enghraifft o:anterliwt, llyfr, drama Edit this on Wikidata
Dyddiad cynharaf1789
AwdurTwm o'r Nant
GwladCymru
IaithCymraeg
Dyddiad cyhoeddi1789 Edit this on Wikidata
GenreDramâu Cymraeg
Dynodwyr

Anterliwt o waith y dramodydd Twm o'r Nant yw Tri Chryfion Byd sy'n dyddio o 1789. Tri Chryfion Byd, sef Tlodi, Cariad ac Angau yw eglurhad y teitl, a phrif gymeriadau'r anterliwt. "Wel bellach crybwyllaf mi dystiaf am Destyn, O'r dull yn deg hylwydd mae'r trefniad yn Câlyn, Am dri chryfion byd ddwys Olud mewn Sulw, Sef Tlodi, a Chariad, ag Angeu tra chwerw."[1] Cafwyd sawl addasiad cyfoes o'r ddrama dros y blynyddoedd gan gynnwys Tri Chryfion Byd neu Pres Mawr Penna Bach yn y 1990au.

Cymeriadau

  • Sir Tom Tell Truth
  • Traethydd
  • Gwiddanes Dlodi
  • Rinallt ariannog y Cybydd
  • Lowri Lew
  • Ifan Offeiriad
  • Cariad
  • Brenin Angau[1]

Cynyrchiadau nodedig

Llwyfannwyd yr anterliwt gan Gwmni Theatr Cymru ym 1972. Defnyddiwyd y ddau deitl i werthu'r sioe, gyda'r ail yn nodi'n syml "Twm o'r Nant Charles Williams a dwsin o gwmpeini diddan yn actio, canu, dawnsio" i hwyluso'r marchnata, ar gefn llwyddiant y diddanwr a'r actor o Ynys Môn.[2]

Dyma gynhyrchiad cyntaf John Pierce Jones fel "actor proffesiynol" ym mis Hydref 1972, ac mae'n sôn am y profiad yn ei hunangofiant: "Pan agorais y drws a cherdded i mewn i'r ystafell gwelais wynebau a oedd yn gyfarwydd i mi fel hoelion wyth y byd actio Cymraeg.[...] Rhan fechan iawn oedd gen i yn rhan gyntaf yr anterliwt. Roedd Wynford [Ellis Owen] yn actio Angau, felly roedd ganddo 'olygfa rymus efo Marged Esli, oedd yn chwarae Cariad." Cofia Jones hefyd am un achylysur lle gofynwyd iddo i chwarae rhan Wynford, gyda'i "fwgwd mawr ar ffurf penglog yn cuddio'i wyneb, felly doedd neb yn gwybod pwy oedd yn y wisg. Bûm yn ymarfer y rhan felly am sawl pnawn efo Charles (oedd yn gyfarwyddwr arbennig) a Marged Esli. Daeth y noson fawr, ac er mai fi oedd yn actio Angau, enw Wynford oedd yn y rhaglen. Drwy gyd-ddigwyddiad Ilwyr, roedd adolygydd Y Faner yn y gynulleidfa y noson honno, ar wythnos ganlynol roedd canmoliaeth fawr i'r cynhyrchiad yn y papur. Tynnwyd sylw yn arbennig at berfformiad 'Wynford Ellis Owen' - felly cefais fy adolygiad cyntaf fel actor o dan enw actor arall," cyfaddefodd.[4]

Oriel

Cyfeiriadau

  1. ↑ 1.0 1.1 "Thomas Edwards, Tri Chryfion Byd (1789)". www.celticstudies.net. Cyrchwyd 2024-09-08.
  2. ↑ "Oct 20, 1972, page 11 - Port Talbot Guardian at Newspapers.com". Newspapers.com (yn Saesneg). Cyrchwyd 2024-09-10.
  3. ↑ Owen, Wynford Ellis (2004). Raslas Mawr A Bach!. Gomer.
  4. ↑ Jones, John Pierce (2015). Yr Hen Ddyddiau. Gwasg Carreg Gwalch.
Eginyn erthygl sydd uchod am ddrama. Gallwch helpu Wicipedia drwy ychwanegu ato.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.