Llysieuyn blodeuol (neu legume) yw Tresi aur sy'n enw lluosog. Mae'n perthyn i'r teulu Fabaceae. Yr enw gwyddonol (Lladin) yw Laburnum anagyroides a'r enw Saesneg yw Laburnum.[1] Ceir enwau Cymraeg eraill ar y planhigyn hwn gan gynnwys Tresi Aur, Banadlen Ffrainc, Euron, Pyswydden.
Mae gerddi Bodnant yn fyd enwog am ei fwa o dresi aur. Nid yw tresi aur yn gynhenid i Gymru nac i Brydain ond maent wedi hadu’n naturiol mewn o leiaf un lle yn y Canolbarth. Mae nifer fawr o goed tresi aur yn tyfu‘n wyllt yn y cloddiau ar y tiroedd uchel yn yr ardal rhwng Llambed, Aberaeron a Chaerfyrddin. Yn 2010 roedd y coed yn anterth eu blodau yn ystod yr wythnos gyntaf ym mis Mehefin. Yn 2011 buont bron ar eu gorau ddechrau yr ail wythnos ym mis Mai dair wythnos ynghynt ac efallai yn fwy tymhorol na'r flwyddyn flaenorol pan oeddent yn hwyr iawn.[2]
Y Bwa Tresi Aur yng Ngerddi BodnantLlwyni tresi aur yn tyfu’n wyllt yn ardal Synod Inn, Cymru yn 2011
Am y tresi aur hyn, ar y draffordd rhwng Synod Inn ac Aberaeron, mae coel mai capteniaid y llongau lleol ddaeth a phlanhigion o wledydd tramor a‘u dosbarthu yn yr ardal.[3]
