Robot

Peiriant rhithwir neu fecanyddol ydy robot fel arfer, sydd wedi'i raglennu i wneud tasg neu dasgau arbennig a hynny ar ei ben ei hun. Mae'r robotiaid mwyaf clyf

Robot
Robot
Delwedd:Toyota Robot at Toyota Kaikan.jpg, Artaic Mosaic Fabrication Robot.png
Mathpeiriant, endid deallusrwydd artiffisial Edit this on Wikidata
Yn cynnwysactifadydd, ffynhonnell ynni, cyfrifiadur, synhwyrydd Edit this on Wikidata
Dynodwyr
Freebase/M/06fgw edit this on wikidata
Tudalen Comin Ffeiliau perthnasol ar Gomin Wicimedia
Golygfa allan o'r ddrama R.U.R. (Rossum's Universal Robots) gan Karel Čapek.
Y BigDog: robot a rhagflaenydd System-gefnogi Bedair Coes (LS3)

Peiriant rhithwir neu fecanyddol ydy robot fel arfer, sydd wedi'i raglennu i wneud tasg neu dasgau arbennig a hynny ar ei ben ei hun. Mae'r robotiaid mwyaf clyfar yn ymddangos fel pe bai ganddynt nodweddiol dynol ac yn gallu meddwl drosto'i hun. Gellir didoli robotiaid i'r dosbarthiadau canlynol: robot dynoid dwy goes, robotiaid â rhagor o goesau e.e. System-gefnogi Bedair Coes, robotiaid ar olwynion neu robotiaid ehedog e.e. drôns. Gellir hefyd eu dosbarth yn ôl maint e.e. y nano-robotiaid meicrosgopig, neu yn ôl eu gwaith.[1] Mae'r car diyrrwr hefyd yn cynnwys elfennau o robotiaeth.

Yn y dechreuad...

Ers cychwyn gwareiddiad bu gan fodau dynol ddiddordeb i greu offer neu gyfarpar a allai ei gynorthwyo ac ysgafnhau ei faich. Aeth i'r pegwn eithaf pan geisiodd drefnu caethweision i wneud gwaith llafurus drosto, fel arfer y gwaith butraf ac anoddaf. Roedd creu peiriant megis olwyn ddŵr neu'r pwmp yn ei alluogi i wneud y gwaith ailadroddus hwn yn gynt a chynt ac yn fwy effeithiol. Wrth i dechnoleg ddatblygu daeth y peiriannau hyn yn fwy cymhleth ac yn fwy effeithiol fyth. Ar gyfer un dasg yn unig y crewyd y rhan fwyaf o'r peiriannau, ond dychmygai rhai beiriant tebyg i ddyn a allai droi ei law at unrhyw dasg dan haul.

Ymhlith y meddylwyr mawr yn y maes hwn mae: Leonardo Da Vinci yn yr 1490au a Jacques de Vaucanson yn 1739; cynlluniwyd nifer o beiriannau aml-dasg gan y ddau yma. Cynlluniwyd torpido wedi'i reoli gan donfeydd radio gan Nikola Tesla yn 1898 a rhoddodd Makoto Nishimura (yn 1929) nodweddion dynol megis dagrau i'r pen mecanyddol a alwodd yn "Gakutensoku".

Yr enw

Daw'r gair "robot" allan o ddrama o'r enw R.U.R. (Rossum's Universal Robots) a sgwennwyd gan Karel Čapek o Tsiecoslofacia yn 1920. "Llafurwr" oedd y gair gwreiddiol ganddo ond awgrymodd ei frawd Josef derm newydd: 'robot'.

Yn 1942 ysgrifennodd Isaac Asimov ffuglen-wyddonol a gynhwysodd "Tair Deddf Robotiaeth"; defnyddiwyd y rhain drachefn yn y ffilm I Robot yn 2004.

Llenyddiaeth Gymraeg

Rhan o'r erthygl 'Y gwas yn troi'n feistr' a gyhoeddwyd ym 1970 yn Y Cymro

Yn groes i'r arfer o roi nodweddion dynol ar robot, sgwennodd Owain Owain nofel Gymraeg o'r enw Y Dydd Olaf a roddodd nodweddion robotaidd ar bobl wedi'u cyflyru gan awdurdodau totalitaraidd.[2] Yn ei gyfres 'Nodion Gwyddonol' yn Y Cymro ym mis Mawrth 1970 mae Owain yn ateb y cwestiwn "A all y byd wrthsefyll robotiaid yn cymryd drosodd?" Enw'r erthygl oedd 'Y gwas yn troi'n feistr'. Ei ateb yw ieithoedd a diwylliannau lleiafrifol, "gwahanol" nad yw'r Brawd Mawr yn ei ddeall. Dyma hefyd thema'r Dydd Olaf, sef pwer lleiafrifoedd i gadw 'cyfoeth amrywiaeth' y byd.

Gweler hefyd

Cyfeiriadau

  1. ↑ "Four-legged Robot, 'Cheetah,' Sets New Speed Record". Reuters. 2012-03-06.
  2. ↑ [https://web.archive.org/web/20150317014937/http://www.ameliasmagazine.com/music/y-dydd-olaf-the-last-day-by-gwenno-saunders-an-interview/2014/11/03/ Archifwyd 2015-03-17 yn y Peiriant Wayback Gwefan Saesneg www.ameliasmagazine.com; cyfweliad gyda Gwenno Saunders] adalwyd 16 Mawrth 2015

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.