Planhigyn blodeuol ydy Moronen y maes (enw benywaidd) sy'n perthyn i'r teulu Apiaceae. Yr enw gwyddonol (Lladin) yw Daucus carota is-rh. carota a'r enw Saesneg yw Wild carrot. Ceir enwau Cymraeg eraill ar y planhigyn hwn gan gynnwys Llys meddyglyn, Meddyglyn, Moron gwylltion, Moron y meysydd, Moronen goch, a Nyth aderyn.
Ers sawl canrif bellach, mae garddwyr wedi bridio'r rhywogaeth ar gyfer y bwrdd bwyd, a gelwir y math hwnnw yn foronen, sydd, yn dechnegol yn gyltifar o'r is-rhywogaeth yma. I'r llygad, edrychant yn bur wahanol erbyn heddiw, gyda moronen y maes yn edrych yn llai ac yn fwy eiddil. Yn y gwyllt, gall dyfu i rhwng 30 a 60 cm (1-2 troedfedd), ac mae'r bonyn yn soed, stiff a blewog. Mae'r dail gyferbyn a'i gilydd ac mae gan y blodyn 5 petal. Gellir ei fwyta pan mae'n ifanc.
