Prifddinas y Maldives yw Malé. Saif y ddinas ar ynys Malé, ac roedd y boblogaeth yn y cyfrifiad diwethaf yn 133,019 (2014).
Gan nad yw ynys Malé ond 1.7 km o hyd ac 1 km o led, mae'r ddinas yn gorchuddio'r ynys i gyd. Dayblygodd y ddinas wedi i'r Maldives droi at Islam yn y 12g. Yr yr 20g, wedi i'r wlad ddod yn weriniaeth, ail-adeiladwyd y ddinas yn sylweddol dan yr Arlywydd Ibrahim Nasir; chwalwyd muriau'r ddinas a'r palas brenhinol, ac ychwanegwyd at arwynebedd yr ynys. Dinistriwyd rhan helaeth o'r ddinas ar 26 Rhagfyr 2004 gan Tsunami Cefnfor India 2004.
Adeilad pwysicaf y ddinas yw Mosg Dydd Gwener. Ni cheir adeiladu unrhyw adeilad ym Malé yn uwch na'r mosg yma.
Gweler hefyd
