Henry Herbert, 2il Iarll Penfro (1534-1601)

Henry Herbert, 2il Iarll Penfro
Ganwyd	c. 1538
Bu farw	19 Ionawr 1601 (yn y Calendr Iwliaidd)  Wilton
Dinasyddiaeth	Cymru
Galwedigaeth	gwleidydd
Swydd	Lord Lieutenant of Wales, Lord Lieutenant of Wiltshire, Arglwydd Raglaw Gwlad yr Haf, Arglwydd Raglaw Sir Fynwy
Tad	William Herbert
Mam	Anne Herbert
Priod	Katherine Grey, Katherine Talbot, Mary Sidney
Plant	Philip Herbert, 4ydd Iarll Penfro, William Herbert, merch anhysbys Herbert
Gwobr/au	Urdd y Gardas

Arfau Syr Henry Herbert

Uchelwr Cymreig oedd Henry Herbert, 2il Iarll Penfro (c.1534 - 19 Ionawr 1601). Ef a fu'n gyfrifol am gryfhau Castell Caerdydd. Roedd yn ddyn diwylliedig ac roedd yr achau Cymreig yn bwysig iddo.^[1] Ysgrifennydd iddo oedd y bardd a'r milwr Wiliam Midleton o Lansannan.

Roedd Henry yn fab i William Herbert, Iarll 1af Penfro (1501–1570) ac Anne Parr, Iarlles Penfro. Ei fodryb oedd Catherine Parr, gwraig olaf Harri VIII. Roedd ei ewyrth William Parr, ardalydd 1af Northampton yn ddyn pwerus iawn yn ystod teyrnasiad Edward VI ac yna Elisabeth I.

Ar farwolaeth ei dad yn 1570 fe'i gwnaed yn Iarll Penfro ac ar 4 Ebrill 1570 dyrchafwyd ef yn Lord Lieutenant of Wiltshire. Ar farwolaeth ei fam fe'i gwnaed yn Arglwydd Parr a Ros o Kendal, Arglwydd FitzHugh, Arglwydd Marmion ac yn Arglwydd Quentin ar 1 Awst 1571.

Tair priodas a phlant

Priododd Catherine Grey, chwaer ieuengaf Yr Arglwyddes Jane Grey ac wyres i Mari Tudur ar 25 Mai 1553.^[2] ond diddymwyd y briodas ac ni chafwyd plant.

Ei ail wraig oedd Arglwyddes Catherine Talbot, merch George Talbot, 6ed iarll Shrewsbury, a'i wraig Gertrude Manners.^[1] She died in 1575 leaving no children by Herbert.^[1] Bu'n wael ac ni fu plant o'r briodas hon ychwaith.

Erbyn Ebrill 1577 roedd Henry wedi priodi Mary Sidney, merch Syr Henry Sidney a Mary Dudley a ganwyd William Herbert, 3ydd Iarll Penfro an Philip, a bu'r ddau yn ieirll Penfro ar ôl eu tad. Cafwyd dwy ferch hefyd ond bu'r ddwy farw'n ifanc: Katherine ac Anne.^[1][3]

Gweler hefyd

• Iarllaeth Penfro

Cyfeiriadau

1.  Lee, Sidney, gol. (1891). "Henry Herbert (1534?-1601)" . Dictionary of National Biography. 26. Llundain: Smith, Elder & Co. tt. 189–90.
2. Eric Ives, Lady Jane Grey: A Tudor Mystery (Rhydychen, 2009), t. 321
3. "Mary Sidney Herbert, Countess of Pembroke (1561-1621)", gan Margaret P. Hannay