Mae Caerdydd 134.6 km i ffwrdd o Didcot ac mae Llundain yn 79.4 km. Y ddinas agosaf ydy Rhydychen sy'n 17 km i ffwrdd.
Hanes
Mae Didcot yn dyddio o Oes yr Haearn. Codwyd bryngaer ar y grib yn y dref, efo'r wern o'i chwmpas. Ceisiodd y Rhufeinwyr sychu'r wern gan gloddio ffos trwy ardal i'r gogledd o'r dref. Yn y 1200au y mae'r tro cyntaf yr ymddangosir Didcot mewn cofnodion hanesyddol, fel Dudcott. Cadwodd y dref boblogaeth o tua 100 o bobl dros ganrifoedd, tra bod rhai bentrefi cyfagos, sydd yn fychain o'u cymharu â Didcot modern, yn fwy.
Adeiladwyd rheilffordd rhwng Llundain a Bryste trwy Didcot yn 1839, ac agorwyd yr orsaf yn 1844. Erbyn hyn, mae'r brif reilffordd sy'n rhedeg trwy Didcot yn gwasanaethu De Cymru hefyd, ac yma mae llinell arall, i Rydychen a Chanolbarth Lloegr, yn gwahanu ohono. Elwir yr orsaf yn Didcot Parkway erbyn hyn.
Roedd y dref yn Berkshire, nes i ffiniau'r swyddi gael eu hail-drefnu yn 1974.
Gorsaf drenau Didcot Parkway, gan edrych tua'r gorllewin
