John Millington Synge

Edmund John Millington Synge, ganet d'ar 16 a viz Ebrel 1871 e Ráth Fearnáin ha marvet d'ar 24 a viz Meurzh 1909 e Dulenn d'an oad a 37 vloaz, a oa ur skrivagner eus Iwerzhon (pezhioù-c'hoari, barzhonegoù, komz-plaen...), hag un dastumer danvez-pobl (lennegezh komzet, kredennoù...). Unan eus tud heverkañ azginivelezh lennegel Iwerzhon eo hag unan eus kensaverien an Abbey Theatre (C'hoariva an Abati). Daoust ma oa e dud a orin saoz hag anglikan e voe dedennet-bras gant buhez ar beizanted katolik pa soñje gantañ o doa miret ar gwellañ paganelezh ar bed kozh.

E oberenn anavezetañ, The Playboy of the Western World, a lakaas kabaduilh e Dulenn pa voe c'hoariet evit ar wech kentañ.

Oberennoù pennañ

• In the Shadow of the Glen (An draonienn hep heol), 1903
• Riders to the Sea (War varc'h d'ar mor), 1904
• The Well of the Saints, 1905
• The Aran Islands, 1907
• The Playboy of the Western World, 1907
• The Tinker’s Wedding, 1908
• Poems and Translations, 1909
• Deirdre of the Sorrows 1910
• In Wicklow and West Kerry, 1912

Synge hag ar brezhoneg

En em lakaet e oa Synge da zeskiñ brezhoneg e 1899^[1].

E brezhoneg

Meur a oberenn gant J.M. Synge a zo bet lakaet e brezhoneg, evel:

• "War varc'h d'ar mor" gant Youenn Drezen.
• "An Draonienn hep heol" gant Youenn Drezen ivez.
• "The Playboy of the Western World" a zo bet troet, pe azasaet, meur a wech gant tud disheñvel.

Notennoù ha daveennoù

1. R. Delaporte, “John Millington Synge ha Breizh”, Al Liamm niv. 198, p. 1980.