Fear and Desire

Fear and Desire

Sinema

Titl	Fear and Desire
Tachenn	film brezel, film avantur, film dramael, film birvidik
Bro orin	Stadoù-Unanet
Yezh orin ar film pe an abadenn skinwel	saozneg
Deiziad embann	1953
Sevener	Stanley Kubrick
Senarioour	Stanley Kubrick, Howard Sackler
Komedianeta	Frank Silvera, Paul Mazursky, Virginia Leith, David Allen, Dave Allen
Rener ar skeudennaouiñ	Stanley Kubrick
Frammer filmoù	Stanley Kubrick
Sonaozer	Gerald Fried
Produer	Stanley Kubrick
Dasparzher	Joseph Burstyn, Netflix
Lec'h filmañ	Kalifornia
Original film format	35 mm film
Liv	gwenn-ha-du
Notenn ar varnouriezh	5.8/10, 70%
Diaz embann	video diwar c’houlenn
Lec'hienn ofisiel	http://www.ivc-tokyo.co.jp/fearanddesire/
Statud ar gwirioù-oberour	domani foran
Assessment	Test Bechdel

Aktourien^[1] ha teknikourien Fear and desire.

Fear and Desire (Aon ha c'hoant e brezhoneg) zo ur film brezel saoznek, sevenet e gwenn ha du gant ar filmaozour stadunanat Stanley Kubrick e 1953.

Kentañ film hir Kubrick eo Fear and Desire ha kentañ hini an aktour Paul Mazursky (a yeas da sevener brudet-mat adalek 1969). Savet da-heul an tri zeulfilm berr Day of the Fight, Flying Padre ha The Seafarers e voe anvet The Trap ha The Shape of Fear kent tapout e ditl da vat. Dilezel a reas Kubrick e vicher a luc'hskeudenner er gelaouenn Look evit kas e raktres da benn.

Arc'hantaouet berr Fear and Desire (pemzek den en holl^[2]) e kavas da Gubrick e oa e film unan amatour ha netra ken all. Ma reas e soñj distrujañ an darn vrasañ eus an eiladoù anezhañ. Adsavet e voe an oberenn diwar un eilad orin, bet kavet dre zegouezh e 2010.

Gant ar film brezel-mañ e krogas Stanley Kubrick gant unan eus e zodennoù pennañ — ur strollad soudarded rediet d'ober dibaboù — a vo adkavet diwezhatoc'h e Paths of Glory (1957) ha Full Metal Jacket.

Fichenn deknikel

• Doare : Brezel, Drama,
• Skoazeller-sevener : Robert Dierks,
• Senario : Howard Sackler^[3],
• Kevredad produiñ : Stanley Kubrick,
• Produourien : Stanley Kubrick ha Martin Perveler^[4],
• Dasparzhet gant : Joseph Burstyn,
• Rener ar skeudenniñ : Stanley Kubrick,
• Ijinour ar son : Stanley Kubrick,
• Aozer ar sonerezh orin : Gerald Fried,
• Kinklour : Herbert Lebowitz,
• Farder : Chet Fabian,
• Frammer : Stanley Kubrick,
• Prantad filmañ : 1951,
• Lec'hioù filmañ : San Gabriel Mountains (Kalifornia),
• Deiziadoù dont er-maez :
  • 1953 : 31 a viz Meurzh (New York), 1añ a viz Ebrel ( Stadoù-Unanet),
  • 2008 : 20 a viz Du (Paura e desiderio  Italia),
  • 2012 : 14 a viz Du (doare adsavet  Bro-C'hall),
  • 2013 : 13 a viz Meurzh (film DVD  Alamagn), 3 a viz Mae ( Japan), 20 a viz Du (da-geñver 26vet Panorama of European Cinema en Aten),
  • 2014 : 29 a viz Genver (film DVD Finland), 7 a viz Eost ( Gres).
• Padelezh : 62'.

An danvez

E-pad ur brezel diwar faltazi : ur gedred pevar soudard a chom sac'het en tu-hont da linennoù an enebourien goude bezañ kouezhet o c'harr-nij eno.

Roll ar gomedianed

• Frank Silvera : ar serjant Mac,
• Paul Mazursky : ar soudard Sidney,
• Kenneth Harp : al letanant Corby/ar jeneral,
• Steve Coit : ar soudard Fletcher/ar c'habiten,
• Virginia Leith : ar plac'h,
• David Allen : mouezh an daneveller.

Liammoù diavaez

• Fear and Desire war Internet Movie Database
• Tañvadenn ar film adsavet

Notennoù ha daveennoù

1. N'emañ ket Virginia Leith war al luc'hskeudenn.
2. Toba Metz, kentañ gwreg Kubrick en o zouez.
3. Daremprediñ a reas Kubrick pa oant o-daou e William Howard Taft High School e New York.
4. Eontr Stanley Kubrick.