Элеанора Партугальская (парт.: Leonor de Portugal, катал.: Elionor de Portugal, 3 лютага 1328, Каімбра — 29 кастрычніка 1348, Эксерыка каля Тэруэля) — каралева-кансорт Арагона.
Элеанора была партугальскай прынцэсай, дачкой Афонсу IV і Беатрыс Кастыльскай. 29 верасня 1347 года ў Барселоне была выдадзена замуж за аўдавелага арагонскага караля Педра IV.
Элеанора прабыла каралевай усяго каля года і сканала ад чумы, не пакінуўшы нашчадствы (яе адзіная дачка Беатрыс памерла нованароджанай). Пахавана ў кляштары Паблет.