Чыкагскі дзяржаўны ўніверсітэт (англ.: Chicago State University) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Чыкага ў штаце Ілінойс, ЗША.
Гэта гістарычна "чорны" ўніверсітэт, у якім большасць студэнтаў традыцыйна складалі афраамерыканцы. Заснаваны ў 1867 годзе як нармальная школа акругі Кук, гэта быў інавацыйны педагагічны каледж. З часам Аб'яднанне чыкагскіх дзяржаўных школ узяла на сябе кантроль над школай ад імя акругі, і яна стала называцца Чыкагскім педагагічным каледжам. У 1951 годзе штат Ілінойс пачаў фінансаваць каледж і ўзяў на сябе кантроль над ім у 1965 годзе, пераўтварыўшы яго ў паўнавартасны дзяржаўны каледж. У 1967 годзе каледж стаў Чыкагскім дзяржаўным універсітэтам.