Уладзімір Цярэнцьевіч Камкоў

Уладзімір Цярэнцьевіч Камкоў
Уладзімір Цярэнцьевіч Камкоў
Дата нараджэння	5 верасня 1950 (74 гады)
Месца нараджэння	Асіповічы, Асіповіцкі раён, Бабруйская вобласць, БССР, СССР;
Прафесія	артыст балета
Тэатр	Нацыянальны акадэмічны Вялікі тэатр оперы і балета Рэспублікі Беларусь;
Узнагароды

Уладзімір Цярэнцьевіч Камкоў (нар. 5 верасня 1950, г. Асіповічы) — беларускі артыст балета, педагог. Народны артыст Беларускай ССР (1984).

Біяграфія

У 1973—1995 гг. — саліст Дзяржаўнага тэатра оперы і балета Беларусі. У 1981—1998 гг. — выкладчык харэаграфічнага вучылішча. Сярод лепшых партый: Тыль і Інквізітар, Машэка і Князь («Тыль Уленшпігель» і «Курган» Я. Глебава), Спартак («Спартак^[ru]» А. Хачатурана), Тыбальд («Рамэа і Джульета» С. Пракоф’ева), Хазэ («Кармэн-сюіта^[ru]» Ж. Бізэ — Р. Шчадрына), Адам («Стварэнне свету» А. Пятрова); з іншых партый — Прынц, Ротбарт («Шчаўкунок», «Лебядзінае возера» П. Чайкоўскага), Альберт, Конрад («Жызэль^[ru]», «Карсар^[ru]» А. Адана), Кален («Ліза і Кален^[ru]» Ф. Герольда^[ru]), а таксама галоўныя партыі ў аднаактавых балетах «Фестываль кветак у Чэнзана^[en]» Э. Хельстэда^[en], «Прывал кавалерыі» І. Армсгеймера^[ru], «Адажыета» на музыку Г. Малера, «Камерная сюіта» на музыку Р. Шчадрына, «Вальпургіева ноч» Ш. Гуно, «Вясна свяшчэнная^[ru]» І. Стравінскага.

Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).
Камкоў Уладзімір Цярэнцьевіч // Энцыклапедыя літаратуры і мастацтва Беларусі.-Мн.,1985.- Т.2.- С.653-654.
Камкоў Уладзімір Цярэнцьевіч // Тэатральная Беларусь: Энцыкл.- Мн.,2002.- Т.1.- С.483-484.