Уладзімір Уладзіміравіч Васю́к (нар. 2 ліпеня 1947, пас. Леніна, Хойніцкі раён, Гомельская вобласць) — беларускі графік.
Скончыў Беларускі тэатральна-мастацкі інстытут у 1978 годзе. Выкладчык Мінскага мастацкага вучылішча з 1978 года, Беларускай акадэміі мастацтваў з 1987 года.
Член Беларускага саюза мастакоў з 1981 года.
Працуе ў галіне плаката, кніжнай графікі. Асноўныя творы: плакаты «М. Гусоўскі» (1980), «Песнярам зямлі беларускай» (1982), «Пётр Мсціславец — першы беларускі друкар» (1990), «Сымон Будны» (1992); графічная серыя «Прывід маёй маленькай радзімы» (1995). Аформіў кнігі «Праваслаўныя святы» і «Праваслаўнае дойлідства Беларусі» (1995). Аўтар афішаў да спектакляў і святаў.