Трафальгар (араб. رأس الطرف الأغر) — мыс на іспанскім беразе Атлантычнага акіяна (Коста-дэ-ла-Лус), недалёка ад г. Кадыса і Гібралтарскага праліва. Назва мае арабскае паходжанне. Сучаснае вымаўленне трохі адрозніваецца ад спрадвечнага — 'Tarf al-Gharb' (араб. طرف الغرب), што азначае «заходні мыс».
21 кастрычніка 1805 года ля мыса Трафальгар адбылася Трафальгарская бітва, у якім флот Вялікабрытаніі знішчыў аб’яднаныя Напалеонам флоты Іспаніі і Францыі.
На мысе ў 1860 годзе быў пабудаваны маяк (ісп.: faro de Cabo Trafalgar), які мае вышыню 34 метра і ўзвышаецца над морам на 51 м.
