«Спартак» — кандытарская фабрыка ў Гомелі, заснаваная ў 1924 годзе пад назвай «Прасвет». З 8 лістапада 1931 г. мае сучасную назву. У 1994 г. прадпрыемства акцыянавалі. У 1998 г. стала сумесным. 39,9 % паёў праз амерыканскае прадпрыемства «Дабл Стар Інтэрнэшнл» (Нью-Ёрк) валодае Марат Новікаў (нар. Мінск). СП мае крамы ў кожным абласным цэнтры Беларусі і прадстаўніцтвы ў ЗША (Нью-Ёрк) і Расіі (Масква). У 2006 г. з'яўлялася найбуйнейшым вытворцам кандытарскіх вырабаў у Беларусі[1].