Рэспубліканскі інстытут вышэйшай школы

Рэспубліканскі інстытут вышэйшай школы
Беларускі дзяржаўны ўніверсітэт
Заснаваны	1973 год
Месцазнаходжанне	г. Мінск, вул. Маскоўская, 15
nihe.by (руск.)

Рэспубліканскі інстытут вышэйшай школы — падраздзяленне БДУ.

Гісторыя

20 лютага 1973 года быў заснаваны Інстытут павышэння кваліфікацыі выкладчыкаў грамадскіх навук пры БДУ.

У 1992 годзе ён пераўтвораны ў Нацыянальны інстытут гуманітарных навук пры БДУ, а ў 1993 годзе быў перададзены ў падпарадкаванне Міністэрству адукацыі РБ.

19 ліпеня 1994 года ўстанова пераўтворана ў Рэспубліканскі інстытут вышэйшай школы Міністэрства адукацыі РБ і ў 2004 годзе перайменавана ў Дзяржаўную ўстанову адукацыі «Рэспубліканскі інстытут вышэйшай школы»^[1].

Напрамкі дзейнасці

• Навукова- і арганізацыйна-метадычнае забеспячэнне вышэйшай школы;
• Павышэнне кваліфікацыі і перападрыхтоўка кіруючых кадраў ВНУ;
• Распрацоўка навуковых і навукова-метадычных праблем гуманітарнай адукацыі;
• Перападрыхтоўка і павышэнне кваліфікацыі выкладчыкаў гуманітарных дысцыплін, што прадугледжвае:
  • павышэнне кваліфікацыі і перападрыхтоўка кадраў кіраўнікоў і спецыялістаў вышэйшай школы, арганізацыйна-метадычная падтрымка кіруючай дзейнасці ў вышэйшай школе;
  • навуковы аналіз і ацэнка стану вышэйшай адукацыі ў рэспубліцы, распрацоўка метадалагічных праблем развіцця вышэйшай школы;
  • арганізацыйная і інфармацыйная падтрымка метадычнай працы ў вышэйшай школе, міжнароднага супрацоўніцтва; арганізацыя і каардынацыя дзейнасці метадычных аб’яднанняў выкладчыкаў;
  • каардынацыя дзейнасці ВНУ па павышэнні кваліфікацыі выкладчыкаў і супрацоўнікаў ВНУ^[2].

У вобласці гуманітарнай адукацыі:

• арганізацыйная, інфармацыйная, метадычная і навуковая падтрымка выкладання гуманітарных дысцыплін на ўзроўнях прафесійнай адукацыі;
• распрацоўка праблем гуманітарных навук і гуманітарызацыі адукацыі, новых тэхналогій навучання і прыватных методык.

Рэспубліканскі інстытут вышэйшай школы як базавая ўстанова павышэння кваліфікацыі працаўнікоў адукацыі прымае актыўны ўдзел у распрацоўцы сумесна з Нацыянальным інстытутам адукацыі канцэпцыі бесперапыннай гуманітарнай падрыхтоўкі навучэнцаў і студэнтаў, новых тэхналогій навучання і методык выкладання сацыяльна-гуманітарных дысцыплін; здзяйсняе перападрыхтоўку і павышэнне кваліфікацыі выкладчыкаў філасофскіх, гістарычных, эканамічных, сацыяльна-палітычных, культуралагічных, псіхолага-педагагічных і філалагічных дысцыплін вышэйшых, сярэдніх спецыяльных і прафесійна-тэхнічных навучальных устаноў, агульнаадукацыйных школ.

Шырока практыкуецца вочна-завочнае навучанне. Створана сістэма пастаянна дзеючых семінараў па павышэнні кваліфікацыі выкладчыкаў сацыяльных і гуманітарных дысцыплін у Магілёве, Віцебску, Брэсце, Баранавічах, Гродна, Наваполацку, Асіповічах.

Функцыянуюць інавацыйныя семінары павышэння кваліфікацыі выкладчыкаў ПТНУ і ССНУ па абноўленых мадэлях сацыяльна-гуманітарнай адукацыі, распрацаваным у рамках навукова-даследчай праблематыкі.

Інстытут вядзе навукова-даследчую працу па праблемах нарматыўна-метадычнага забеспячэння вышэйшай школы і гуманітарызацыі адукацыі. РІВШ усталяваў цеснае ўзаемадзеянне з шэрагам даследчых цэнтраў Міністэрства агульнай і прафесійнай адукацыі Расіі^[3].

Кіраўніцтва

• Рэктар — Гайсёнак Віктар Анатольевіч, доктар фізіка-матэматычных навук, прафесар;
• Памочнік рэктара — Раўская Марына Васільеўна;
• Прарэктар па вучэбнай рабоце — Шупляк Вячаслаў Іванавіч, кандыдат фізіка-матэматычных навук, дацэнт;
• Прарэктар па навукова-метадычнай рабоце — Цітовіч Ігар Уладзіміравіч, кандыдат гістарычных навук;
• Прарэктар па міжнароднай і навукова-метадычнай рабоце — Кожуховскій Людміла Сяргееўна, кандыдат культуралогіі;
• Прарэктар па сацыяльна-эканамічнай рабоце — Міхайлюк Ігар Аляксеевіч, кандыдат фізіка-матэматычных навук;
• Дэкан факультэта павышэння кваліфікацыі і перападрыхтоўкі — Дзмітрыеў Яўген Іванавіч, кандыдат сацыялагічных навук, дацэнт^[1].

Крыніцы

1. https://bsu.by/ru/main.aspx?guid=6331 Архівавана 23 лютага 2019.
2. Архіўная копія (нявызн.)(недаступная спасылка). Архівавана з першакрыніцы 1 жніўня 2019. Праверана 1 жніўня 2019.
3. Архіўная копія (нявызн.)(недаступная спасылка). Архівавана з першакрыніцы 28 красавіка 2015. Праверана 1 жніўня 2019.