Раман Міхайлавіч Гегарт

Раман Міхайлавіч Гегарт
Дата нараджэння	10 кастрычніка 1908(1908-10-10)
Месца нараджэння	Крамянчуг, Крамянчугскі павет^[d], Палтаўская губерня, Расійская імперыя
Дата смерці	6 верасня 1982(1982-09-06) (73 гады)
Месца смерці	Масква, РСФСР, СССР
Грамадзянства	СССР
Альма-матар	Маскоўскі архітэктурны інстытут (1934)
Месца працы	Белдзяржпраект
Партыя	КПСС
Член у	Саюз архітэктараў СССР
Працаваў у гарадах	Мінск
Архітэктурны стыль	Сталінскі ампір
Узнагароды

Раман Міхайлавіч Гегарт (нар. 10 кастрычніка 1908, г. Крамянчуг, Палтаўская вобласць — 6 верасня 1982, Масква) — савецкі архітэктар. Заслужаны архітэктар РСФСР (1969)^[1].

Біяграфія

Скончыў Маскоўскі архітэктурны інстытут у 1934 годзе^[1]. Працаваў у праектных арганізацыях Масквы^[2]. Прыехаў у Мінск для аднаўлення горада пасля Вялікай Айчыннай вайны. У 1949—1954 гадах кіраўнік архітэктурнай майстэрні інстытута Белдзяржпраект. З 1954 года ў праектных арганізацыях Масквы^[1].

Член Саюза архітэктараў СССР з 1934 года. Член КПСС з 1940 года^[2].

Творчасць

Асноўныя працы: будынак Галоўнага ўнівермага (1952, з Л. Мелегі), будынкі ўпраўлення Белгалоўэнерга і Беларускага дзяржаўнагаінстытута інжынерных пошукаў Дзяржбуда БССР (1952), тэлевізійнага цэнтра па вул. Камуністычнай (1956) і Беларускай дзяржаўнай кансерваторыі (1958), жылых дамоў па вуліцах Кірава, Камуністычнай, Чырвонай, Захарава, Казлова (1950—1954) у Мінску; рэстаран «Заслаўе» (1971, з А. А. Воінавым) пад Мінскам^[1][2].

• 
  Тэлевізійны цэнтр па вул. Камуністычнай
• 
  Будынак Беларускай дзяржаўнай кансерваторыі
• 
  Галоўны ўнівермаг Мінска
• 
  Будынак «Белэнэрга» па вул. Карла Маркса

Праекты шэрагу жылых і грамадскіх будынкаў у Маскве, Калінінградзе (Маскоўская вобласць), Падольску, Сочы, Серпухаве, за граніцай — у Афганістане, Бірме^[2].

Зноскі

1. Белорусская ССР. Краткая энциклопедия 1982.
2. Архітэктары Савецкай Беларусі 1991.

Літаратура

• Гегарт Роман Михайлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
• Гегарт Роман Михайлович // Белорусская ССР: Краткая энциклопедия в 5 т. (руск.) / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1982. — Т. 5. Биографический справочник. — 737 с. — 50 000 экз.

Спасылкі

• Старонка архітэктара Архівавана 6 лістапада 2016. на сайце sovarch.ru