Паўднёва-Місісіпскі ўніверсітэт (англ.: University of Southern Mississippi) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Хацісберг у штаце Місісіпі.
Універсітэт акрэдытаваны Паўднёвай асацыяцыяй каледжаў і школ ЗША для атрымання ступеняў бакалаўра, магістра, спецыяліста і доктара. Заснаваны 30 сакавіка 1910 года. Галоўны кампус знаходзіцца ў Хацісберзе, а іншы вялікі кампус — у Лонг-Біч. Універсітэт таксама ае пяць дадатковых вучэбна-даследчых цэнтраў, у тым ліку касмічны цэнтр імя Джона С. Стэніса і даследчую лабараторыю ўзбярэжжа Мексіканскага заліва.