Партызанская брыгада імя Ленінскага камсамола

Партызанская брыгада імя Ленінскага камсамола
Гады існавання	1943—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Шчучынскае партызанскае злучэнне
Тып	партызаны
Функцыя	змаганне з акупантамі
Колькасць	462 партызаны (11.7.1944)
Дыслакацыя	Васілішкаўскі, Радунскі, Шчучынскі раёны
Войны	Другая сусветная вайна Вялікая Айчынная вайна
Камандзіры
Вядомыя камандзіры	А. В. Станкевіч (загінуў); А. А. Патапаў

Партызанская брыгада імя Ленінскага камсамола — партызанская брыгада, створаная ў верасні 1943 года на базе атрада імя Ленінскага камсамола, арганізаванага ў сакавіку 1943 года. Дзейнічала на акупіраванай тэрыторыі Васілішкаўскага, Радунскага, Шчучынскага раёнаў. 11 ліпеня 1944 года брыгада (462 партызаны, 4 атрады) злучылася з Чырвонай Арміяй.

Склад

• атрад імя Катоўскага;
• атрад імя Матросава;
• атрад «За Савецкую Беларусь»;
• атрад імя Ванды Васілеўскай.

Камандаванне

Камандзіры

• А. В. Станкевіч (загінуў);
• А. А. Патапаў.

Камісары

• А. А. Патапаў;
• Б. І. Гардзейчык.

Начальнікі штаба

• І. І. Іёнка;
• Н. Л. Нагорны;
• І. П. Анапрыенка.

Гісторыя

Партызаны вялі агітацыйна-масавую работу сярод мясцовага насельніцтва, разбілі нямецкія гарнізоны ў вёсках Азёры і Кобраўцы Васілішкаўскага раёна, знішчылі 22 нямецкія маёнткі. Праводзілі дыверсіі на чыгунках Вільнюс — Гродна і Гродна — Ліда.

Памяць

У 1965 годзе ў Лідзе ў гонар брыгады была пастаўлена стэла.

Зноскі

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.