Павел Антонавіч Леановіч

Павел Антонавіч Леановіч
Род дзейнасці	геолаг
Дата нараджэння	18 мая 1910(1910-05-18)
Месца нараджэння	Чухны, Крэўская воласць^[d], Ашмянскі павет, Віленская губерня, Расійская імперыя
Дата смерці	17 лютага 1985(1985-02-17) (74 гады)
Грамадзянства	Расійская імперыя  СССР
Месца працы	Упраўленне геалогіі пры Савеце Міністраў БССР
Альма-матар	БДУ (1937)
Узнагароды і прэміі	Заслужаны геолаг-разведчык Беларускай ССР (1968)

Павел Антонавіч Леано́віч^[1] (18 мая 1910 — 17 лютага 1985) — геолаг, Заслужаны геолаг-разведчык Беларускай ССР (1968), лаўрэат Дзяржаўнай прэміі СССР (1952), Дзяржаўнай прэміі БССР (1972).

Біяграфія

Нарадзіўся ў вёсцы Чухны Ашмянскага павета Віленскай губерні (зараз у Смаргонскім раёне Гродзенскай вобласці Беларусі). У 1937 годзе скончыў Беларускі дзяржаўны ўніверсітэт. Працаваў у Беларускім геалагічным упраўленні (з 1965 года — Упраўленне геалогіі БССР), дзе ў 1952—1973 гг. займаў пасаду загадчыка аддзелам.

Узнагароды і званні

• Дзяржаўная прэмія СССР 1952 года за адкрыццё і разведку Старобінскага радовішча калійнай і каменнай солей.
• Дзяржаўная прэмія БССР 1972 года за адкрыццё і разведку нафтавых радовішчаў Прыпяцкай нафтагазавай воласці.
• Заслужаны геолаг-разведчык БССР (1968).

Зноскі

1. ЭПБ 1986.

Літаратура

• Леановіч Павел Антонавіч // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
• Республика Беларусь: Энциклопедия в 7 т. Т. 4.: Картография — Миноговые / редкол. Г. П. Пашков и др. — Минск: БелЭн, 2007. — 768 с. — ISBN 978-985-11-0385-6

Спасылкі

• Леановіч Павел Антонавіч на сайце анлайн-энцыклапедыі «Беларусь у асобах і падзеях»
• Лаўрэаты дзяржаўных прэмій Архівавана 2 чэрвеня 2023. // Сайт Беларускага дзяржаўнага ўніверсітэта