Міхаіл Пятровіч Станюта

Міхаіл Пятровіч Станюта
«Аўтапартрэт». 1935
Дата нараджэння	1 кастрычніка 1881(1881-10-01)
Месца нараджэння	Ігумен, Ігуменскі павет, Мінская губерня, Расійская імперыя
Дата смерці	2 студзеня 1974(1974-01-02) (92 гады)
Месца смерці	Мінск, БССР, СССР
Месца пахавання	Чыжоўскія могілкі
Грамадзянства	Расійская імперыя  БССР
Дзеці	Стэфанія Міхайлаўна Станюта
Род дзейнасці	мастак
Жанр	партрэт
Медыяфайлы на Вікісховішчы

Міхаіл Пятровіч Станюта (1 кастрычніка 1881, Ігумен, цяпер Чэрвень Мінскай вобласці — 2 студзеня 1974, Мінск) — беларускі жывапісец, педагог. Бацька Стэфаніі Станюты.

Біяграфічныя звесткі

Міхась Лісоўскі. Шарж на Міхаіла Станюту

Вучыўся ў школе малявання Я. Кругера (1908—1911) ў Мінску, Дзяржаўных вольных мастацкіх майстэрнях у Маскве (1918—1920). 3 1920 года загадчык аддзела выяўленчага мастацтва Галоўпалітасветы Беларусі, сакратар аб’яднання мастакоў Беларусі (з 1924), Усебеларускага аб’яднання мастакоў (1927—1930). Выкладаў маляванне ў школах, мастацкіх студыях і гуртках (1920—1939). Адзін з ініцыятараў і арганізатараў Мінскай гарадской мастацкай выстаўкі (1921).

Пахаваны на мінскіх Чыжоўскіх могілках^[1].

Творчасць

Працаваў у станковым жывапісе (тэматычная карціна, партрэт, пейзаж, нацюрморт), графіцы. Сюжэтна-тэматычныя карціны вызначаюцца актуальнасцю тэматыкі, выразнасцю кампазіцыі і малюнка, абагульненасцю формы, пастознасцю і колеравай насычанасцю: «Шклозавод» (1924), «Бетоншчыкі» (1927), «Будаўніцтва Універсітэцкага гарадка» (1928), «На будоўлі» (1929), «Ліцейны цэх» (1931). Значнае месца займаў партрэт: «Бежанец», «Аўтапартрэт» (абодва 1921), «Партрэт дачкі» (1923), «Партрэт мастака М. Філіповіча» (1925), «Студэнт» (1927), «Ударнік» (1928), «Беларус» (1944), «Хлопчык у кепцы» (1949), «Партрэт старога» (1952), «Калгасніца» (1961) і інш. Аўтар пейзажаў: «Прыцемкі», «Вечар» (абодва 1920), «Дарогі і хвоі» (1923), «Разбураны Мінск» (1944), «Цэнтральны сквер» (1951), «Зімой у парку» (1965).

Зноскі

1. Чыжоўскiя могiлкi. Нечаканыя сустрэчы  (бел.). Наша Ніва. Праверана 15 верасня 2023.(недаступная спасылка)

Літаратура

• Ярмоленка Г. М. Станю́та Міхаіл Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 152. — 10 000 экз. — ISBN 985-11-0035-8. — ISBN 985-11-0251-2 (т. 15).
• Ярмоленка Г. М. Станю́та Міхаіл Пятровіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 684. — 800 с. — 5 000 экз. — ISBN 985-11-0026-9.
• Стэфанія Станюта: «Мой тата ва ўсім быў мастаком…» Архівавана 18 кастрычніка 2021.