Мікалай Лявонцьевіч Часнык

Мікалай Лявонцьевіч Часнык
Дата нараджэння	26 кастрычніка 1921(1921-10-26)
Месца нараджэння	Орша, Аршанскі павет, Віцебская губерня, РСФСР
Дата смерці	7 снежня 1993(1993-12-07) (72 гады)
Месца смерці	Растоў-на-Доне, Растоўская вобласць, Расія
Альма-матар	Ваенна-паветраная акадэмія імя Ю. А. Гагарына
Грамадзянства	СССР
Прыналежнасць	СССР
Род войскаў	Ваенна-паветраныя сілы
Гады службы	1940—1958
Званне	Палкоўнік ВПС СССР
Бітвы/войны	Вялікая Айчынная вайна
Узнагароды і званні	Медаль «У азнаменаванне 100-годдзя з дня нараджэння Уладзіміра Ільіча Леніна»
У адстаўцы	працаваў у аэрапорту горада Растоў-на-Доне і Паўночна-Каўказскім упраўленні Грамадзянскай авіяцыі

Вонкавыя выявы
	Фатаграфія ваенных гадоў.

Мікалай Лявонцьевіч Часнык (26 кастрычніка 1921, Орша — 7 кастрычніка 1993) — Герой Савецкага Саюза.

Біяграфія

У 1941 г. скончыў Барысаглебскую школу ваенных лётчыкаў, у 1952 г. — Ваенна-паветраную акадэмію. У Чырвонай Арміі з 1940 г. 3 1941 г. на Паўночна-Заходнім фронце: лётчык-знішчальнік, камандзір звяна, авіяэскадрыллі знішчальнага палка асобага прызначэння. Зрабіў 685 баявых вылетаў, удзельнічаў у 46 паветраных баях, збіў 27 варожых самалётаў. 7 ліпеня 1944 г. быў збіты і трапіў у палон. Удзельнік паўстання вязняў у канцлагеры Бухенвальд. Герой Савецкага Саюза (22.08.1944 г.).

Да 1958 г. служыў у ВПС СССР. 3 1959 г. палкоўнік у запасе. Працаваў у Паўночна-Каўказскім упраўленні грамадзянскай авіяцыі.

Зноскі

Літаратура

• Часнык Мікалай Лявонцьевіч // Памяць. Орша і Аршанскі раён: гісторыка-дакументальная хроніка гарадоў і раёнаў Беларусі : у 2 кн. / рэдкал.: Г.П. Пашкоў [і інш.]. – Мн., 1999. – Кн. 1. – С. 370.

Спасылкі

Мікалай Лявонцьевіч Часнык на сайце «Героі краіны»