Мост Салідарнасці (польск.: Most Solidarności) — мост праз Віслу ў Плоцку.
Будаўніцтва моста працягвалася ў 2002-2007 гадах, урачыстае адкрыццё адбылося 13 кастрычніка 2007 года. З'яўляецца найбуйнейшым вантовым мостам краіны, Даўжыня над ракой - 615 м, галоўнага пралёта - 375 м, сярэдняя вышыня над вадой - 12 м, вышыня пілонаў - 63,7 м.
Мост мае чатыры паласы руху і злучае нацыянальныя магістралі 60 і 62.
Пры будаўніцтве моста было выкарыстана 12,6 тыс. т сталёвых канструкцый (3 тыс. тон арміраванай сталі), каля 19 тыс. кубаметраў бетону.
