Клім Лазаравіч Грыневіч

Клім Лазаравіч Грыневіч
Асабістыя звесткі
Дата нараджэння	5 (18) лютага 1912
Месца нараджэння	Шасцёраўка, Мілаславіцкая воласць^[d], Клімавіцкі павет, Магілёўская губерня, Расійская імперыя
Дата смерці	3 сакавіка 1941(1941-03-03) (29 гадоў)
Месца смерці	Балагое, Балагоўскі раён, Калінінская вобласць, РСФСР, СССР
Грамадзянства	Беларусь
Альма-матар	Рагачоўскі дзяржаўны педагагічны каледж^[d] (1930) літаратурны факультэт Мінскага педагагічнага інстытута^[d] (1933) Расійскі дзяржаўны педагагічны ўніверсітэт імя А. І. Герцэна (1941)
Месца працы	СБ. Беларусь сегодня Сельгасрабочы^[d]
Прафесійная дзейнасць
Род дзейнасці	паэт
Мова твораў	беларуская
Творы ў Вікікрыніцах

Клім Лазаравіч Грыневіч (5 (18) лютага 1912, в. Шасцёраўка, Клімавіцкі павет, Магілёўская губерня, цяпер Клімавіцкі раён, Магілёўская вобласць — 3 сакавіка 1941, Балагое Калінінскай вобласці, цяпер Цвярская вобласць, Расія; Псеўданімы: Быліна; Траўкін; Цюльпан; Шасцёраўскі) — беларускі паэт.

Біяграфія

Нарадзіўся ў сялянскай сям’і. Працаваў на будаўніцтве чыгункі Асіповічы — Магілёў — Рослаў (1929—1930). У 1930 годзе паступіў у Рагачоўскі педтэхнікум, у 1930 годзе пераехаў у Менск. Працаваў на будаўніцтве, карэктарам у друкарні, літсупрацоўнікам газеты «Рабочий» і «Сельгасрабочы», сакратаром рэспубліканскага ЦК прафсаюза работнікаў сельскай гаспадаркі. У 1932 годзе паступіў на творчае аддзяленне літаратурнага факультэта МВПІ.

Арыштаваны 16.3.1933; 10.8.1933 прыгавораны да двух гадоў адміністрацыйнай высылкі. Знаходзіўся ў Сары-Атачы Паўднёва-Казахстанскай вобласці. Праз два гады быў мабілізаваны ў Чырвоную Армію. Пасля дэмабілізацыі вярнуўся ў Сары-Атач, потым пераехаў у Балагое. У 1937—1941 гадах настаўнічаў у школах г. Балагое, адначасова завочна вучыўся на літаратурным факультэце Ленінградскага педінстытута. Памёр ад сухотаў.

Дэбютаваў вершамі ў 1929 (газеты «Піянер Беларусі», «Чырвоная змена»). Зборнік паэзіі «На бераг» (1932) быў прыхільна сустрэты крытыкай. Вершы апошніх гадоў жыцця не захаваліся.

Бібліяграфія

• На бераг: Паэзія. Мн., 1932.

Літаратура

• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
  • Пруднікаў П. Далёкае і блізкае // Пруднікаў П. Мая магістраль. Мн., 1981;
• Грыневіч Клім // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.. Т. 2;
• Грыневіч Клім // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — 653 с.: іл. — 22 000 экз. — ISBN 5-340-00709-X..