Кенет Това

Кенет Това
Дата нараджэння	21 сакавіка 1961(1961-03-21) (63 гады)
Месца нараджэння	Нью-Ёрк, штат Нью-Ёрк, ЗША
Альма-матар	Ваенная акадэмія ЗША
Грамадзянства	ЗША
Прыналежнасць	ЗША
Род войскаў	Армія ЗША
Званне	генерал-лейтэнант^[d]
Бітвы/войны	Вайна ў Афганістане
Медыяфайлы на Вікісховішчы

Кенет Эрнест Това (англ.: Kenneth Ernest Tovo; нар. 21 сакавіка 1961) — генерал-лейтэнант арміі ЗША ў адстаўцы. Начальнік Цэнтральнага камандавання спецыяльных аперацый (2011—2013) і камандавання спецыяльных аперацый арміі (2015—2018).

Біяграфія

У арміі з 1983 года. Спачатку служыў у 508-м пяхотным палку, потым у 504-м стралковым парашутна-дэсантным. У перыяд з 1987 па 1989 гады прайшоў падрыхтоўку да службы ў спецназе. Залічаны ў 10-ю групу сіл спецыяльнага прызначэння. У час вайны ў Персідскім заліве накіраваны ў Турцыю, з тэрыторыі якой прымаў удзел у асобных місіях аперацыі «Бура ў пустыні», а ў пасляваенны перыяд — аперацыі «Provide Comfort». У 1990-я гады падраздзяленне Това было разгорнута ў Босніі і Герцагавіне. У пачатку Іракскай вайны ўдзельнічаў у аперацыі «Молат вікінгаў». Пасля кароткай службы ў штаце камандавання спецыяльных аперацый і атрымання ступені магістра стратэгічных даследаванняў у Ваенным каледжы арміі ЗША Това прызначаны камандзірам 10-й групы спецыяльных сіл. У 2008 годзе заняў пасаду намесніка начальніка камандавання спецыяльных аперацый ЗША ў Еўропе^[1].

У красавіку 2009 года прызначаны ў 1-ю бранятанкавую дывізію^[2]. 9 мая 2011 года стаў начальнікам Цэнтральнага камандавання спецыяльных аперацый ЗША^[3]. У студзені 2013 года стаў камандуючым Аб’яднаным пераходным камандаваннем бяспекі ў Афганістане і Навучальнай місіяй НАТА ў Афганістане^[4]. 18 ліпеня 2013 года прызначаны намеснікам начальніка Паўднёвага камандавання ЗША^[5]. З 2015 года ўзначальваў Камандаванне спецыяльных аперацый арміі ЗША. 8 чэрвеня 2018 года падаў у адстаўку^[6][7].

На «грамадзянцы» разам з жонкай заснаваў кансалтынгавую фірму DOL Enterprises, Inc., кансультуючы па пытаннях стратэгічнага планавання, кіравання рызыкамі і эфектыўнай арганізацыі^[8][9].

Сям’я

Мае жонку Сюзанну і двух сыноў. Адзін стаў вайскоўцам, другі — настаўнікам^[8].

Узнагароды

• Медаль «За выдатную службу»
• Ордэн «Легіён пашаны»
• Бронзавая зорка

Памяць

Яго імем названа медыцынская клініка ў г. Халабджа, Ірак^[10].

Крыніцы

1. United States Army – Bigadir General Keneth E. Tovo
2. IMMEDIATE RELEASE No. 283-09 - General Officer Announcements(нявызн.). Праверана 10 сакавіка 2013.
3. IMMEDIATE RELEASE No. 390-11 - General Officer Announcements(нявызн.). Праверана 10 сакавіка 2013.
4. IMMEDIATE RELEASE No. 043-13 - General Officer Announcements(нявызн.). Праверана 10 сакавіка 2013.
5. IMMEDIATE RELEASE No: 519-13 - General Officer Announcements(нявызн.). Праверана 17 красавіка 2015.
6. USASOC welcomes Tovo as Commanding General(нявызн.). Праверана 26 ліпеня 2020.
7. USASOC farewells Lt. Gen. Tovo, welcomes Lt. Gen. Beaudette(нявызн.). Праверана 26 ліпеня 2020.
8. Lieutenant General (Retd.) Kenneth E. Tovo
9. DOL Enterprises, Incorporated
10. On the Ground: New Clinics, Schools, Supplies Improve Life for Iraqis(нявызн.). Праверана 17 красавіка 2015.

Спасылкі

• Kenneth E. Tovo Lieutenant General United States Army Deputy Commander, U.S. Southern Command Архівавана 10 чэрвеня 2015. Biografie auf der Internetseite des Southern Command
• Lieutenant General Ken Tovo Архівавана 11 мая 2015. Biografie auf der Offiziellen Seite für die Operation Resolute Support