Закон Кюры — Вейса

Закон Кюры — Вейса апісвае магнітную ўспрымальнасць ферамагнетыка ў вобласці тэмператур вышэй кропкі Кюры (гэта значыць у парамагнітнай вобласці). Закон выяўляецца наступнай матэматычнай формулай^[1]:

${\displaystyle \chi ={\frac {C}{T-T_{c}}},}$

дзе

${\displaystyle \chi }$ — магнітная ўспрымальнасць,

C — пастаянная Кюры, якая залежыць ад рэчыва,

T — абсалютная тэмпература ў Кельвінах,

T_c — тэмпература Кюры, К.

Пры T = T_c магнітная ўспрымальнасць імкнецца да бясконцасці. Пры зніжэнні тэмпературы да кропкі Кюры і ніжэй ўзнікае спантанная намагнічанасць рэчыва.

У многіх рэчывах закон Кюры — Вейса непрыстасавальны ў наваколлі кропкі Кюры, паколькі ён заснаваны на набліжэнні сярэдняга поля. У гэтых выпадках крытычныя паводзіны апісваюцца формулай

${\displaystyle \chi \sim {\frac {1}{(T-T_{c})^{\gamma }}}}$

з крытычным індэксам ${\displaystyle \gamma \,.}$. Аднак пры тэмпературах ${\displaystyle T\gg T_{c}}$ закон Кюры — Вейса выконваецца, хоць у гэтым выпадку ${\displaystyle T_{c}\,}$, прадстаўляе тэмпературу некалькі больш сапраўднай кропкі Кюры.

Закон Кюры — Вейса выконваецца таксама для антыферамагнетыкаў пры тэмпературах вышэй кропкі Нэеля. У гэтым выпадку канстанта ${\displaystyle T_{c}}$ ў формуле адмоўная, яе абсалютнае значэнне па парадку велічыні блізка да тэмпературы Нэеля.

У сэгнетаэлектрыках сувязь паміж палярызаванасцю сэгнетаэлектрыка ${\displaystyle \alpha }$ і яго тэмпературай T у непалярнай фазе паблізу кропкі Кюры, таксама можа быць апісана формулай, што супадае з законам Кюры — Вейса:

${\displaystyle \alpha ={\frac {C}{T-T_{0}}}}$

дзе C і ${\displaystyle T_{0}}$ — канстанты, якія вызначаюцца выглядам сэгнетаэлектрыка. Велічыня ${\displaystyle T_{0}}$ носіць назву тэмпературы Кюры — Вейс і вельмі блізкая да значэння тэмпературы Кюры. Калі кропак Кюры дзве, то зблізку кожнай з іх у непалярнай фазе выконваецца той жа закон. Паблізу верхняй — ў ранейшай форме, а паблізу ніжняй — у форме:

${\displaystyle \alpha ={\frac {C'}{T_{0}'-T}}}$

Гл. таксама

• Закон Кюры
• Парамагнетызм
• П’ер Кюры
• П'ер Вейс

Зноскі

1. Кюри — Вейса закон — артыкул з Фізічнай энцыклапедыі