PROFILBARU.COM

Жанна дэ Бурбон
Жанна дэ Бурбон
	фр.: Jeanne de Bourbon
	; Жанна дэ Бурбон.
	8 красавіка 1364 — 6 лютага 1378
Каранацыя	19 мая 1364, Рэймскі сабор, Рэймс, Францыя
Папярэднік	Жанна Авернская
Пераемнік	Ізабела Баварская
Нараджэнне	3 лютага 1338; Венсен, акруга Нажан-сюр-Марн[d], дэпартамент Сена, Францыя;
Смерць	6 лютага 1378 (40 гадоў); Парыж, Каралеўства Францыя;
Месца пахавання	Абацтва Сен-Дэні;
Род	Бурбоны
Бацька	П’ер I дэ Бурбон[d]
Маці	Ізабела Валуа[d]
Муж	Карл V Мудры
Дзеці	Карл VI Валуа, Людовік Арлеанскі, Кацярына Валуа[d], Жан Французскі[d] і Ізабэла Валуа[d]
Веравызнанне	хрысціянства
	Медыяфайлы на Вікісховішчы

Жанна дэ Бурбон (фр.: Jeanne de Bourbon; 3 лютага 1338, Венсен, Валь-дэ-Марн, Францыя — 6 лютага 1378, Парыж, Францыя) — каралева Францыі, дачка П’ера I, герцага дэ Бурбон, і Ізабелы дэ Валуа, дачкі Карла Валуа і Маго дэ Сен-Поль. Жонка Карла V Мудрага.

Біяграфія

Жанна дэ Бурбон нарадзілася ў замку Венсен праз два тыдні пасля свайго кузена, будучага караля Францыі, Карла V Мудрага. Абодва дзіцяці былі ахрышчаны ў царкве Мантрэйль у адзін і той жа дзень.

8 красавіка 1350 года Жанна дэ Бурбон узяла шлюб з Карлам Валуа (1338—1380), будучым каралём Францыі Карлам V Мудрым (1364—1380). У 1364 годзе яна стала каралевай Францыі.

У той час, калі Жанна была яшчэ жонкай дафіна, Карл абвясціў пра сваю сувязь з Бетай дэ Касінель. Але пасля свайго ўкаранавання, якое адбылося 19 мая 1364 года, кароль зблізіўся з жонкай. Пасля Карл заўсёды цікавіўся меркаваннем Жанны па любым пытанні.

Жанна дэ Бурбон памерла пры нараджэнні сваёй дачкі Кацярыны. Жан Фруасар гаварыў пра гэту падзею так: «Калі каралева была цяжарная, урачы забаранілі ёй купацца і проціпаказалі ёй ванну. Нягледзячы на іх забарону, яна захацела купацца і адтуль прыйшло зло смерці.»

Пасля смерці Жанны Карл быў вельмі засмучаны. «Яна — маё прыгожае святло і сонца майго каралеўства», — казаў ён. Крысціна Пізанская пісала пра каралеўскую жалобу так: «Кароль быў вельмі сумны пасля скону каралевы; нягледзячы на яго вялікую мужнасць, смерць Жанны прычыніла яму такі вялікі боль і доўжыўся ён так доўга, што ніколі больш людзі не бачылі падобнай жалобы, бо яны кахалі адзін аднаго вялікім каханнем.»

Сям’я і дзеці

Муж: (з 8 красавіка 1350) Карл V Мудры (21 студзеня 1338 — 16 верасня 1380), сын караля Францыі Жана II Добрага, і Боны Люксембургскай. Даводзіўся Жанне дэ Бурбон кузенам. З іх 10 дзесяці дзяцей да сталага ўзросту дажылі толькі 2 сына:

Жанна (1357—1360);
Жан (1359—1364);
Бона (1360—1360);
Жанна (1366—1366);
Жан (7 чэрвеня 1366 — 21 снежня 1366);
Карл VI Вар’ят (3 снежня 1368 — 21 кастрычніка 1422), кароль Францыі;
Марыя (1370—1377);
Людовік I Арлеанскі (13 сакавіка 1372 — 23 лістапада 1407), герцаг Арлеанскі, заснавальнік Арлеанскай галіны дому дэ Валуа. Яго ўнук узышоў на прастол Францыі пад імем Людовіка XII;
Ізабела (1373—1378);
Кацярына (1378—1388).

Зноскі

↑ Lundy D. R. Jeanne de Bourbon // The Peerage Праверана 9 кастрычніка 2017.
<a href="https://wikidata.org/wiki/Track:Q67129259"></a><a href="https://wikidata.org/wiki/Track:Q21401824"></a>
↑ ^а ^б ^в Kindred Britain
<a href="https://wikidata.org/wiki/Track:Q75653886"></a>
↑ (unspecified title) Праверана 7 жніўня 2020.
↑ Lundy D. R. The Peerage
<a href="https://wikidata.org/wiki/Track:Q67129259"></a><a href="https://wikidata.org/wiki/Track:Q21401824"></a>

Спасылкі

PIERRE I 1342—1356, LOUIS II 1356—1410 (англ.). Foundation for Medieval Genealogy. Праверана 8 студзеня 2012.
Johanna von Bourbon Königin von Frankreich (ням.). Die Genealogie der Franken und Frankreichs. Архівавана з першакрыніцы 7 мая 2012. Праверана 8 студзеня 2012.