Дзмітрый Іванавіч Біланог (укр.: Дмитро Іванович Білоног; нар. 26 мая 1995, Чаркасы, Украіна) — украінскі футбаліст, паўабаронца польскага клуба «Хробры» з Глогава.
Выхаванец футбольнай акадэміі данецкага «Шахцёра». Гуляў за ўкраінскія клубы, екацярынбургскі «Урал».
У 2019 годзе перайшоў у мінскае «Дынама». У жніўні 2020 года пакінуў каманду[3].
У верасні 2020 года далучыўся да фінскага клуба «Марыехамн», а ў лютым 2021 года перайшоў у краснаярскі «Енісей», дзе гуляў да канца сезона 2020/21. У ліпені 2021 года падпісаў кантракт з харкаўскім «Металістам» і адразу быў аддадзены ў арэнду ў «Мынай».
У сакавіку 2022 года перабраўся ў літоўскі «Рыцярэй». З 8 галамі стаў другім бамбардзірам каманды ў сезоне 2022. У лютым 2023 года стаў іграком польскага клуба «Хробры».
Выступаў за юнацкія і маладзёжную зборныя Украіны.