Джэймс Мак-Гіл Б’юкенен-малодшы (англ.: James McGill Buchanan Jr., 3 кастрычніка1919, Марфрысбора, Тэнесі, ЗША — 9 студзеня2013, Блэксбург, Вірджынія, ЗША) — амерыканскі эканаміст, лаўрэат Нобелеўскай прэміі па эканоміцы (1986) «за даследаванне дагаворных і канстытуцыйных асноў тэорыі прыняцця эканамічных і палітычных рашэнняў». З’яўляецца адным з заснавальнікаў школы новай палітычнай эканоміі.
Біяграфія
Нарадзіўся 3 кастрычніка 1919 г. у Марфрысбора (штат Тэнесі)
Джэймс Б’юкенен вучыўся ў універсітэце Тэнесі. Доктарскую ступень атрымаў у Чыкагскім універсітэце. Выкладаў у універсітэтах Тэнесі, Фларыды і Віргінскім універсітэце. У 1962 годзе сумесна з Г. Талакам апублікаваў працу «Разлік згоды» (англ.: The Calculus of Consent), у якой аналізуецца працэс прыняцця эканамічных рашэнняў змяшанымі метадамі эканамічных і палітычных навук.
Прэзідэнт Таварыства «грамадскага выбару» (1964). Лаўрэат прэміі Ф. Сейдмана (1984) і прэмій А. Сміта па дзвюх версіях (1988 і 1991). У гонар вучонага названы Цэнтр палітычнай эканоміі універсітэта Джорджа Мэйсана.
