Група савецкіх ваенных спецыялістаў на Кубе

Група савецкіх ваенных спецыялістаў на Кубе
Краіна	СССР
Уваходзіць у	Узброеныя Сілы СССР
Дыслакацыя	Куба
Удзел у	Operation Anadyr^[d]

Група савецкіх ваенных спецыялістаў на Кубе — злучэнне Узброеных Сіл СССР, дыслакаванае на тэрыторыі Рэспублікі Куба.

Штаб-кватэра — горад Гавана.

Прысутнасць на востраве савецкіх вайскоўцаў не афішавалася да 1979 года.

Гісторыя

У 1962 годзе, для выканання сакрэтнай аперацыі па размяшчэнні балістычных ракет сярэдняй далёкасці на Кубе пад кодавай назвай «Анадыр», у краіну накіраваны савецкія войскі, а менавіта асобны ракетны дывізіён у складзе 400-га асобнага мотастралковага палка. Пазней ператвораны ў 43-і асобны мотастралковы полк, на базе якога створана 7-я асобная мотастралковая брыгада. Менавіта яна і стала асновай групы ваенных спецыялістаў.

Пасля Карыбскага крызісу, ЦРУ праінфармавала Кангрэс ЗША аб наяўнасці савецкіх вайскоўцаў на Кубе, але вызначыць іх статус было праблематычна. Само існаванне групы мела больш сімвалічнае і палітычнае значэнне, чым ваеннае. Але разам з тым гэта прысутнасць падрывала аўтарытэт Злучаных Штатаў. Для саміх жа кубінцаў гэта было праявай дружбы і салідарнасці з боку Масквы.

У верасні 1979 года, у ходзе VI канферэнцыі кіраўнікоў урадаў і дзяржаў Руху недалучэння ў Гаване, савецкае кіраўніцтва на чале з Л. І. Брэжневым, не параіўшыся з урадам Ф. Кастра, назвала 7-ю брыгаду 12-м навучальным цэнтрам па падрыхтоўцы ваенных кадраў. Тым самым Крэмль афіцыйна прызнаў прысутнасць ваенспецаў. Такое рашэнне мела на Кубе сур’ёзны палітычны рэзананс.

У кастрычніку 1991 года кіраўніцтва прыняло рашэнне аб вывадзе брыгады. На той момант на Кубе служылі 1500 вайскоўцаў^[1].

Склад

• упраўленне
• 7-я асобная мотастралковая брыгада — 12-ы навучальны цэнтр

1963 г. — 1978 г.

• • 4-ы асобны мотастралковы батальён
  • 20-ы асобны мотастралковы батальён
  • 5-ы асобны танкавы батальён
  • Батальён баявога забеспячэння
  • Асобны рэактыўны дывізіён
  • Ракетны дывізіён (да 1970 г.), пасля асобная зенітная батарэя

1978 г. — 1993 г.

• • 3-і асобны мотастралковы батальён
  • 4-ы асобны мотастралковы батальён (расфармаваны ў кастрычніку 1991)
  • 20-ы асобны мотастралковы батальён
  • 5-ы асобны танкавы батальён
  • Асобны рэактыўны дывізіён
  • Разведвальная рота
  • Інжынерна-сапёрная рота
  • Рота сувязі
  • Рота матэрыяльнага забеспячэння
  • Медыцынская рота
  • Узвод СПА
  • Узвод хімічнай абароны
  • Каменданцкі ўзвод
  • Асобная зенітная батарэя

У канцы 1981 года быў сфармаваны 42-і асобны артылерыйскі дывізіён.

Памяць

12 верасня 2013 года на тэрыторыі мемарыяльнага комплексу 412-й берагавой батарэі ў пасёлку Чарнаморскім Камінтэрнаўскага раёна Адэскай вобласці быў адкрыты памятны абеліск воінам-інтэрнацыяналістам, якія служылі на Кубе^[2].

Крыніцы

1. «Распоряжение Правительства РФ ОТ 21.10.91 N 1913-Р О выводе отдельной мотострелковой бригады с территории Республики Куба»
2. Под Одессой появится памятник воинам-интернационалистам, защищавшим Кубу (нявызн.). Архівавана з першакрыніцы 29 кастрычніка 2013. Праверана 26 кастрычніка 2013.

Спасылкі

• Сайт ветеранов ГСВСКАрхівавана 23 сакавіка 2022.
• Распоряжение Правительства
• Советские военнослужащие, погибшие на КубеАрхівавана 7 красавіка 2014.
• Цеханович Б. Г. Куба любовь моя, остров зари багровойАрхівавана 29 снежня 2014.
• Содружество ветеранов ГСВСК http://www.veterancuba.su/Архівавана 22 сакавіка 2017.
• Советский человек на Кубе http://cubanos.ru/Архівавана 3 верасня 2011.
• Бубнов В.А., Гаврилов М.В. "Тайны "Лурдес" 1964-2001Архівавана 22 сакавіка 2017."
• Бубнов В.А., Гаврилов М.В. "Белые пятна Карибского кризиса, 1961-1964Архівавана 22 сакавіка 2017."