Вількамірскі павет (Расійская імперыя)

Вількамірскі павет
Герб
Краіна	Расійская імперыя
Уваходзіць у	Ковенская губерня
Адміністрацыйны цэнтр	Вількамір
Дата ўтварэння	1795
Дата скасавання	1915
Насельніцтва	229 118[1] (1 897)
Плошча	5145,5 вёрст²

Вількамі́рскі паве́т (руск.: Вилькомирский уезд, літ.: Ukmergės apskritis) — адміністрацыйная адзінка Ковенскай губерні, якая існавала ў 1795 — 1920 гадах. Павятовы горад — Вількамір.

Гісторыя

Павет утвораны ў 1795 годзе ў складзе Віленскай губерні пасля трэцяга падзелу Рэчы Паспалітай. У 1842 годзе павет увайшоў у склад новастворанай Ковенскай губерні.

Насельніцтва

Паводле перапісу 1897 года насельніцтва павета складала 229 118 чалавек, у тым ліку ў Вількаміры — 13 532 чал., у мястэчках Купішкі — 3780 чал., Уцяны — 3000 чал., Анікшты — 1000 жых^[1].

Нацыянальны склад

Нацыянальны склад паводле перапісу 1897 года^[2]:

• літоўцы — 165 580 чал. (72,3 %),
• яўрэі — 30 140 чал. (13,2 %),
• палякі — 22 923 чал. (10,0 %),
• рускія — 9412 чал. (4,1 %),

Адміністрацыйны падзел

Станам на 1913 год павет быў падзелены на 24 воласці: ^[3]

Аванцкая — м. Аванта^[lt], Алоцкая — м. Кунігішкі^[lt], Андронішская — м. Андронішкі^[lt], Анікштынская — м. Анікшты, Вайткушская — м. Вайткушкі^[lt], Вепраўская — м. Вепры, Віжунская — м. Віжуны^[lt], Вірбалішская — с. Вірбалішкі^[lt],

Дабейская — м. Дабейкі^[lt], Жмуйдзецкая — м. Жмуйдкі^[lt], Каварская — м. Каварск, Канстанцінаўская — м. Канстанцінава, Купішская — м. Купішкі, Курклеўская — м. Курклі^[lt], Пагірская — м. Пагіры^[lt], Пупанская — м. Шыманцы^[lt],

Рогаўская — м. Рогава^[lt], Сесіцкая — м. Сесікі^[lt], Субоцкая — с. Субоч, Тавянская — м. Тавяны^[lt], Трашкунская — м. Трашкуны, Уцянская — м. Уцяны, Ушпольская — м. Ушполь, Шацкая — м. Шаты,

Ураднікі павета

• Вількамірскія павятовыя маршалкі

Зноскі

1. Першы Усеагульны перапіс насельніцтва Расійскай імперыі 1897 года. Ковенская губерня
2. Першы ўсеагульны перапіс насельніцтва Расійскай Імперыі 1897 г. Размеркаванне насельніцтва па роднай мове. Вількамірскі павет
3. Волостныя, станичныя, сельскія, гминныя правленія и управленія, а также полицейскіе станы всей Россіи съ обозначеніем мѣста ихъ нахожденія. — Кіевъ: Изд-во Т-ва Л. М. Фишъ, 1913.

Спасылкі

• Вилькомир // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.