Вольга Іванаўна Басісцюк-Гаптар

Вольга Іванаўна Басісцюк-Гаптар
укр.: Ольга Iванiвна Басистюк
Род дзейнасці	concert singer, оперная спявачка
Дата нараджэння	19 жніўня 1950(1950-08-19) (74 гады)
Месца нараджэння	Паляны^[d], Валачыскі раён, Хмяльніцкая вобласць, УССР, СССР
Грамадзянства	СССР  Украіна
Месца працы	Lviv Philharmonic^[d] National Organ and Chamber Music Hall of Ukraine^[d]
Альма-матар	Львоўская нацыянальная музычная акадэмія імя Мікалая Лысенкі (1974)
Узнагароды і прэміі

Вольга Іванаўна Басісцюк-Гаптар (нар. 19 жніўня 1950(1950-08-19), Паляны^[d], Хмяльніцкая вобласць) — украінская спявачка (сапрана). Народная артыстка УССР (1985). Герой Украіны (2010).

Біяграфія

Нарадзілася 19 жніўня 1950 года ў с. Паляны Валачыскага раёна Хмяльніцкай вобласці УССР.

У 1974 годзе скончыла Львоўскую кансерваторыю імя М. В. Лысенкі. У 1975—1984 гадах — салістка Львоўскай філармоніі. З 1984 года — салістка Рэспубліканскага дома арганнай і камернай музыкі (зараз — Нацыянальны дом арганнай і камернай музыкі Украіны). У 1993 годзе прыняла ўдзел у «Шаўчэнкаўскім сакавіку»: выступіла з канцэртамі ў Арэнбургу і Орску (Расія), сустракалася з жыхарамі вёсак, была сярод удзельнікаў прэзентацыі Арэнбургскага грамадскага Інстытута Тараса Шаўчэнкі.

У 1999—2003 гадах была членам камітэта па прысваенні Нацыянальнай прэміі Украіны імя Тараса Шаўчэнкі.

Узнагароды і званні

• Лаўрэат міжнародных конкурсаў вакалістаў у Рыа-дэ-Жанейра (1975, Гран-пры; Бразілія) і Плевене, (1976, 1-я прэмія, залаты медаль; Балгарыя), міжнароднага конкурсу грамзапісу ў Браціславе, які арганізавала ЮНЕСКА (1978)
• Народная артыстка УССР (1985).
• Дзяржаўная прэмія УССР імя Т. Г. Шаўчэнкі (1987) — за канцэртныя праграмы апошніх гадоў
• Ордэн князя Яраслава Мудрага V ступені (23 жніўня 1995 года, першы Указ аб узнагароджанні новай узнагародай)
• Герой Украіны (з уручэннем ордэна Дзяржавы, 21.08.2010) — за выдатныя асабістыя заслугі перад Украінскай дзяржавай у развіцці музычнай культуры, уздым міжнароднага прэстыжу айчыннага песеннага мастацтва, шматгадовую творчую дзейнасць і высокае выканальніцкае майстэрства