Варлен Леанідавіч Бечык

Варлен Леанідавіч Бечык
Асабістыя звесткі
Дата нараджэння	25 чэрвеня 1939(1939-06-25)
Месца нараджэння	Астрашыцкі Гарадок, Астрашыцкагарадоцкі сельсавет, Менскі раён, Менская вобласць, БССР, СССР
Дата смерці	13 лістапада 1985(1985-11-13) (46 гадоў)
Месца смерці	Мінск, БССР, СССР
Пахаванне	Прылукі
Грамадзянства	СССР
Маці	Ларыса Лявонцьеўна Кароткая
Альма-матар	філалагічны факультэт БДУ (1960)
Месца працы	Інстытут літаратуразнаўства НАНБ Мастацкая літаратура філалагічны факультэт БДУ Літаратура і мастацтва Нёман
Прафесійная дзейнасць
Род дзейнасці	літаратуразнавец, літаратурны крытык, рэдактар, літаратар
Грамадская дзейнасць
Член у	Саюз пісьменнікаў СССР Саюз беларускіх пісьменнікаў
Прэміі	Літаратурная прэмія імя Івана Мележа (1987)

Варлен Леанідавіч Бечык (25 чэрвеня 1939, в. Астрашыцкі Гарадок, Мінскі раён — 13 лістапада 1985, Мінск) — беларускі савецкі крытык і літаратуразнавец. Кандыдат філалагічных навук (1974)^[1]. Сын літаратуразнаўца Ларысы Кароткай.

Біяграфія

Нарадзіўся 25 чэрвеня 1939 года ў вёсцы Астрашыцкі Гарадок Мінскага раёна^[2].

Пасля заканчэння філалагічнага факультэта Беларускага дзяржаўнага ўніверсітэта ў 1960 годзе выкладаў беларускую і рускую мову і літаратуру ў Пліскай сярэдняй школе Смалявіцкага раёна^[2].

У 1962—1966 гадах гг. аспірант кафедры беларускай літаратуры БДУ. З 1966 па 1971 гг. літсупрацоўнік рэдакцыі газеты «Літаратура і мастацтва» і часопіса «Нёман». З 1972 г. навуковы супрацоўнік Інстытута літаратуры імя Янкі Купалы АН БССР. З 1981 г. намеснік галоўнага рэдактара выдавецтва «Мастацкая літаратура». Кандыдат філалагічных навук^[2].

Памёр 13 лістапада 1985 года ў Мінску. Пахаваны ў вёсцы Прылукі Мінскага раёна^[2].

Член Саюза пісьменнікаў Беларусі з 1971 года^[2].

Творчасць

Друкуецца з 1959 года. Даследуе беларускую паэзію: праблемы яе грамадзянскасці і мастацкасці, пытанні майстэрства, асаблівасці творчых індывідуальнасцяў майстроў паэтычнага слова (артыкулы пра Я. Купалу, А. Куляшова, У. Хадыку, А. Дудара, П. Броўку, П. Панчанку, А. Пысіна , А. Вярцінскага, Р. Барадуліна і інш: зборнік літаратурна-крытычных артыкулаў «Свет жывы і блізкі», 1974; манаграфія «Беларуская савецкая лірыка», 1979, сумесна з М. Ярашам)^[1]. Аналізуе і празаічныя творы беларускай літаратуры (артыкулы пра В. Быкава, І. Пташнікава, Я. Сіпакова, І. Хадановіча і іншых)^[1].

Зноскі

1. Бечик Варлен Леонидович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 57. — 737 с.
2. Бечык Варлен – Белліт  (бел.) (7 ліпеня 2023). Праверана 21 ліпеня 2024.

Літаратура

• Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 114. — 800 с. — 5 000 экз. — ISBN 985-11-0026-9.